Ahir vaig començar a Plurk.com / Hieraŭ mi ekuzis plurk.com

Bonege, nun vi faras iom da "plurkklamado". ;-) Se iu volos sekvi ankaŭ mian plurkadon aŭ rekte amikiĝi al mi tie, mia plurk-spaco estas: www.plurk.com/user/RodPS. Se pluraj E-parolantoj aniĝos, mi volonte pli plurkumos nialingve (alie tio ne havus sencon) kaj ni eble eĉ povus sukcese peti de la retejaj zorgantoj aldoni Esperanton inter la ankoraŭ malmultaj lingvoj elekteblaj por la agovortoj.

Fakte *vi* kulpas pri tio ke mi ekkonis Plurkon. ;)
Mi elektos la plurkan lingvon laŭ konveno de ĉiu mesaĝo.

Aha, skismemuloj! Perfiduloj de la sankta afero de Ipernity! ;-)
Mi ĵus aliĝis al ipernity dum la aliaj forlasas ĝin... :>

Mi tute ne forlasas ipernition. :) Ĉe Plurk eblas skribi nur mallongetaĵojn, kvazaŭ SMSojn. :)

Saluton,

Lluís, kiel Plurk kaj ne Twitter?

Pzmek, mi ankaŭ ĵus aliĝis al ipernity ;-)

Antaŭ ol Lluís respondos pri si mem, mi diru, ke mi preferas plurkon pro tio, ke ĉe ĝi eblas organizi fadene originalan tekston kun ĉiuj respondoj, tiel evitante la kaosetan situacion kiu povas okazi ĉe Twitter precipe se oni ne respondas al la lasta sed al antaŭa mesaĝo de iu, kaj eblas rekte en la mesaĝa fenestro aperigi ligilon kun propra teksto, bildon aŭ videon ne postulantajn eliron aliloken por ilin spekti. Cetere, kvankam la servo estas ankoraŭ naskiĝanta kaj do pliboniĝanta kaj ne estas por ĝi, malkiel por Twitter, amaso da eksteraj iloj, ĝi jam havas en sia propra retpaĝa servo utilaĵon, ekzemple, kiu ne estas en Twitter kaj pro la strukturo de ties mesaĝado ne povos esti: eblas ĉesi ricevi respondojn el elektitaj fadenoj.

Sed mi plu uzas ankaŭ Twitter, kvankam multe pli malofte nun, pro la kontaktoj kiuj tie restas...

Dankon, mi mem ne sciis la respondon. Simple mi ne provis Twitter. :)

Mi nur uzetis plurkon dufoje, tamen al mi ŝajnas ke ĝi estas iomete tro kompleksa, mi ŝatas la tujteran simplecon.

Al mia demando mi aldonas novan.

Kial Plurko kaj ne FriendFeed?

FriendFeed ankaŭ fadenigas konversaciojn kaj, samtempe, ebligas facile aperigi en ĝi ĝisdatigoj el aliaj servoj, kiel tujter aŭ ipernity.

1) Kion vi trovas kompleksa aŭ malfacila pri plurko?
2) Mi ne komprenas, kial vi demandas tion. Plurko kaj FriendFeed estas ja du malsamaj aferoj, kun malsamaj funkcioj kaj celoj. Kial simple ne uzi ambaŭ? Tion mi fakte faras.

1) ne estas malfacileco. plurk estas facila, sed mi preferas la pli simplan tujteron.

2) AmikFadeno kaj Plurko ne estas tiom malsimilaj. Eblas aldoni mesaĝetojn al AmikFadeno, kaj respondi ilin (simile al plurko). Fakte, AmikFadeno, estas kiel Tujtero aŭ AmikFadeno + unuigilo.

Ankaŭ mi fine aliĝis al FriendFeed, por aliaj celoj. Kiam mi ĉefe rekomendas ion de ligilo, mi tion skribas al FriendFeed. Aldone, tra mia FriendFeed konto (viric) homoj ricevas miajn novaĵojn de mia plurko, ipernity, ktp.

Mi ĵus aldonis vin al mia AmikFadeno.