Nacia loterio

En Hispanio la ŝtato proponas diversajn loteriojn. En unu, vi aĉetas 5-ciferan bileton. En alia, vi elektas 6 numerojn el numeroj inter 1 kaj 49. Oni enkondukis ankaŭ aliajn, kies funkcion mi ne komprenas.

Mi miras, kiel oni leĝe permesas loteriojn. Pro du gravaj kialoj:

• Loterio funkcias male al tributo por la fisko. Ĝi prenas iometon da mono de ĉiu partoprenanto, kaj per grandaj sumoj disdonas la monon al malmultaj homoj.
• Klare temas pri trompo, je kiu malprobable oni enspezos monon.

Amiko opinias ke, temante pri tiom granda trompo, nepre la ŝtato (honore) klopodos regi ĝin kaj profiti el ĝi.

Ĉar de tia loterio, la ŝtato enspezas grandan procenton de la negocaj enspezoj, mi opinias ke la nacia loterio agas ankaŭ kiel nova imposto. Estas impostoj pro salajro enspezita, pro perkapitala mono enspezita, kaj jen la loterio: pro malsaĝo. Imposto pro malsaĝo.