Imre Szabo's blog/

Havante du karajn aferojn oni nepre volas kunligi ilin. Tiel okazis ankaǔ ĉe esperantistoj-hundŝatantoj. aj ili deklaris sian hundospecion Esperanta hundo.Pri Esperanto mi ne devas multe rakonti al vi, sed pri la hundoj, jes. Ilia specio estas blanka svisa ŝafhundo (parencoj de la germanaj ŝafhundoj, sed la haroj estas ĉiam neĝblankaj). Ili estas veraj familianoj, ili lerte savas homojn el lavangoj. Sed vi vidos la bildojn ĉe la ligilo.
Nun la mastro de la hundidoj volas vendi ilin. Esperantistoj ĝuas signifan rabaton. La peto estas sur kiel eble plej multaj hundistaj blogoj aperigi la anonceton en diversaj lingvoj. sed mi ne havas tiom da lingvoj, kiom vi. Bonvolu helpi! Rekte kontaktiĝu kun ŝi, ĉar somere mi malofte estos apudkomputile. Koran dankon!

Ni multopas, kiuj ne havis infanaĝon esperantistan. Kaj jam eĉ ne havos, se ni ne faros por ni mem. Ni faru por ni infanaĝon! Kaj ne nur por ni mem, sed ankaó por la infanoj, kiuj postulos ĝin de ni. Mankas, terure mankas, junaj patrinoj scias tion, kiuj volas eduki Esperante siajn gefilojn, mankas la porinfanaj literaturaĵoj. Tial mi ektradukis nun fabelojn. Kaj unu mi transdonas nun tuj. Por interesiĝantoj mi sendos hungarajn, ĵustradukitajn fabelojn.

Mi volas danki al la ĝisnunaj verkistoj, kiuj helpis organizante kaj mem tradukante mian poemon al siaj etnaj lingvoj. Donace mi volas eternigi ilian nomon per miaj maleternaj rimedoj, ekzemple ĉi tie en Ipernity. Ŝajnas jam la unuaj briloj de la plenumo de la plano: kiam ĝi estos tradukita en minimume 20 lingvojn, tiam ĝi estos transdonata al Leonard Orban, prilingva komisaro de Eǔropa Unio, kiel dokumento pri la kulturperaj fortoj de Esperanto.