Kiel funkcias la furorlisto en Ipernity?

ofte traduki logajn teekstojn estas malfacile cia estas klorigo?

Mi pensas, ke la valoron de la Esperanta parto de Ipernity mi povas kreskigi per miaj modestaj ebloj tradukante kaj verkante valorajn materialojn. Ofte mi faris jam, ke poemon aǔ artikolon mi aperigis prefere en Ipernity anstataǔ en literatura gazeto. Estas grava allogforto, ke ĉi tie mi tuj renkontas la legantojn kaj la komentojn.

Mi bedaŭrinde ne komprenas vian statistikon. Vian tekston "Sepatage" legis 115 homoj kaj 9 komentis ĝin. Tio estas klara. Sed kion signifas la postaj ciferoj? Kie vi trovis ilin?

Eble vi prefere starigu vian demandon en la grupo Ipernity, demandoj kaj respondoj. Tie estas pluraj spertaj uzantoj, kiuj eble povas helpi vin.

La statistiko estas simpla, nur mia vortumado estis mallerta. Temas pri la manipulado de Furorlisto. (Alireblo -- tion mi diras ne por vi, sed por la aliaj malpli spertaj: klaki sur la emblemon de Ipernity supre en la kaplinio, poste en la komencpaĝo de Ipernity sub la granda bildo troveblas Tio furoras, alklaku ĝin, kaj tie vi trovas liston de bildoj -- La dokumentoj, pri kuj oni parolas --, kaj en paralela kolumno -- La artikoloj, kiuj vekas reagon -- la liston de la plej ofte vizitataj tekstoj.
Intertempe mia teksto Sepatage ekhavis jam 125 vizitantojn kaj 9 komentojn. Kaj nun ĝi estas nur sur la 91a loko (pli malantaǔe ol hieraǔ). Antaǔ ĝi tre multaj havas malpli da vizitantoj kaj mlpli da komentoj. (Ekz. sur la 42a loko la artikolo havas 49 vizitojn kaj 8 komentojn.)
La ciferoj, kiujn mi listigis estas de la hieraǔa nokto. Tiuj estis la datenoj de artikoloj, kiuj ĉiuj-ĉiuj estis antaǔ mia teksto. Mi ne komprenas, kiel povas esti blogaĵo kun 49 vizitoj kaj 8 komentoj sur la 42a loko, kaj alia teksto, havanta jam 125 vizitojn kaj 9 blogojn, sur la 91a loko?

Ha, nun mi komprenas la demandon. Nu, vi rigardis nur 2 parametrojn, la kvanton de la komentoj, kaj la kvanton de la vizitoj. Sed estas aliaj parametroj, kiuj ludas pli grandan rolon. Ekzemple kiom da personoj elektis vian artikolon kiel "plej ŝatatan"? Se supre de via teksto neniu alklakis la stelon, kaj ĉe teksto de alia kvin personoj alklakis la stelon, tiu alia teksto grimpos pli supren en la furorlisto.

Sed la plej grava parametro, kiun vi forgesis, estas la tempo. Se artikolo A gajnis 10 komentojn kaj havis 100 vizitantojn en unu horo, kaj artikolo B atingas precize la saman kvanton en unu semajno, tiam artikolo A soros en la listo, dum artikolo B forfalos el ĝi.

Ni rigardu konkretan ekzemplon: Mia artikolo pri la Esperanto-parolantoj en Ipernity havas ĝis nun 100 komentojn, 6748 homoj rigardis ĝin kaj 3 personoj konsideris ĝin ŝatata. Laŭ via kalkulmaniero tiu teksto nun devus esti en loko 1 de la furorlisto, sed tiel ne estas, ĉar mi arigis tiom da "sukceso" en duona jaro, sed en la lastaj tagoj eble neniu rigardis aŭ komentis ĝin.

Rilate la aliajn lingvojn kiel la nederlanda: ankaŭ tio estas logika laŭ mi. La nederlandlingva komunumo en Ipernity estas pli malgranda ol la angla, franca, germana kaj esperantlingva grupoj. Do estas logike, ke teksto verkita en la nederlanda rikoltos malpli da komentoj kaj estos malpli ofte vidata ol teksto en la franca ekzemple.


P.S. Estas ankoraŭ aliaj faktoroj, kiuj ludas rolon pri la poziciado en la furorlisto. Pri ili, mi intencas skribi ion en la grupo Demandoj kaj respondoj. Bonvolu do rigardi tie de tempo al tempo!

La koment-rapideco estas multe pli grava ol la nombro da komentoj mem. Tion mi jam konstatis de antaŭlonge. Tio sekvas la "logikon" de servoj kiaj digg.com (angle) aŭ meneame.net (hispane).

Mi komprenas verŝajne ĉiun vorton en via teksto, sed mi tute ne komprenas, pri kio vi babilas.

Kara Amiko! Vi pravas, mi falis en la kaptilon psikologian, kiam oni -- parolante pri tikla afero -- volas mildigi la diraĵon. Kaj tio rezultigis, ke mi restis malklara. Pardonu min. Eble mia respondo al Paul pliklarigis la aferon.

Kara Imre, ŝajne la programo/motoro de Ipernity kalkulas individuajn komentantojn inter kiuj ne figuras la posedanto de blogo mem. Tiel via afiŝo efektive havus nur tri komentojn... Mi certe ne scias, ĉu tiel funkcias la furorlisto aŭ ne, tamen, al mi ŝajnus logike. Same en la kazo de vizitintoj...

Vi tute pravas, Ladislao. Propraj komentoj ne estas kalkulataj. Vidu pliajn informojn ĉi tie.

Dankojn kara Blazio!

Nedankinde! (Temas pri konversacio jam parte forviŝita).

Kara Ladi, tio ankaǔ al mi ŝajnus logike. Sed nun mi iris rigardi kelkajn antaǔantajn artikolojn, kaj mi trovis, ke ankaǔ tiel mi ne komprenas. Iru kaj vidu ankaǔ vi mem!

Nu, kun 146 vizitantoj, kaj minimume kun 4 komentoj la blogaĵo Sepatage elfalis (ĉu kiel absolute malvalora?) el la listo komplete, dum enestas blogaĵoj kun 11 vizitantoj kaj 3 alparoloj, kaj multaj kun nur iom pli da alparoloj kaj vizitoj... Kaj mi daǔre rajtas havi maksimume nur 1000 amikojn...

Ĉu vi ekster ipernity vere tiom furoris, ke vi nun rimarkas nekutiman nefuroron?

Kara Lluis, la demando estas bona. Sed verŝajne ĝi ne bezonas respondon.

Al mi okazas simile, ke mi publikigas kelkajn aferojn por mi tre interesajn, sed la publiko ne tiom alte taksas ilin. :)
Mi ne ĉesas surpriziĝi, kial tian publikon ne tiom interesas miaj aferoj. ;)
Certe mi nur en tre malmultenombraj rondoj atingas sufiĉan aprezon, kiam mi entute atingas ĝin. :)

La limigo de 1000 kontaktoj rilatas vian membrecon. Se vi estus pro(ipernity-ano), tiam certe vi havus rajton havi kiom ajn kontaktojn.

Ĉu? Mi dubas. Laŭ mia kompreno temas pri teknika limigo. Okaze de ĉiu ensaluto via, la sistemo devas kontroli la paĝojn de ĉiuj via familianoj kaj amikoj pri novaĵoj. Se vi havus tro, tio tro malrapidigus la sistemon.

Okaze de oportuna eblo, kompreninte la sistemon de furorlisto, ni povus furorigi ian propagandan materialon pri Esperanto (plurlingvan).