Attila József: Je mia naskiĝtago

Kara Imre, gratulon al vi pro la traduko de tiu ĉi por mi tre kara poemo. Mi aŭdis la muzikigitan hungarlingvan version de la ensemblo Kaláka. Ege plaĉas ankaŭ tiel al mi. Eble mi petos de Dani Gryllus, muzikigi ankaŭ tiun ĉi esperantan poemon, se vi permesas al mi.
Elkore kaj amike, Anjo

Kara Anjo! Por verkanta homo ne estas pli granda ĝojo ol reaǔdi sian verkon en kantata formo. Evidente vi havas la permeson.

Kara, ne estas hazardo ke mi last-semajn-fine vizitis al lokon kie Attila Jozsef verkis unuajn strofojn de plej fama poemo "ODO" . Ecx mi havas foton kun li, kiun mi montros poste. Dank`al via traduko mi povas gxui lian poeziajxon... Aldone, ankaux havis mi plezuron viziti naskigxlokon de alia fama hungara esperantisto Kalman Kalocsay ... plej amike Princo

Dankon, Kara Etaprinco! Ankaǔ aliajn Esperantigitajn poemojn de Attila vi povas ĝui, se vi vizitos la hejmpaĝon www.vortaro.hu. Mi aparte ĝojas vekinte la interesiĝon pri la hungara poezio. Kaj mi alte estimas vin, ke vi vizitis la naskiĝlokon de Kolomano Kalocsay, kies vivoverkon mi tre alte estimas. (Mi volas traduki nur tiujn pecojn, kiujn li ne tradukis, aǔ kiujn li ne por kanto tradukis, ktp.)

Vere , tre juna estis Attila József kiam li mortis. Cxu dum li verkis cxi tiun poemon li havis iun antauxsenton pri sia morto? La traduko estas bela :-)

Li luktis jam kontraǔ grava psiĥa malsano... kiun maleblus ne havi post tiom da suferoj, kiujn li devis travivi. Nur unusola estis inter la faktoroj la malriĉeco.

Imre, dankon por la bela traduko, dankon por la publikigo. Li jam de mia junagxo estas (kaj restis) mia sxatata poeto, kiu multmaniere influis mian vivon.

Kara Kati, li estas ankaǔ mia ŝatata poeto, mi decidis, se mi havos tiel longan vivon, traduki lian plenan poemaron. Sed mi tre volonte akceptus la helpon ankaǔ de aliaj. Plenumi tion sola estas tamen tro granda... aǔ mi devus longe vivi (nur por traduki la verkojn de lia mallonga vivo).

Cxiuokaze, vivu longe! Kaj tradukadu plu diligente!

Blazio

Belege! Dankon Imre.

Redankon, kara amiko. Ĉu vi scias, ke aperis en via traduko mia verko Egerfarmos en La Karavelo? Tion mi dankas al vi elkorege!

Kara Imre,

gratulon je la tuto kaj speciale je *instru-istu* (taní-tani).
Hungaraj esperantistoj scias, ke ili havas plurajn tradukojn de cxi tio... Cxu de vi, de Marton FEJES, de Petro Rados, au mi konfuzas ion? Do ni spertas ecx arto-luktadon kaj literaturan ricxon, en Esperanto!

Laux mi vi preterlasis la vorton *ne* antaux la vorto *meznivele* en la lasta strofo, je tajperara nivelo...

En Hungario oni eble sentas prestigxon ankau de mezniveleco (kompare al la bazgrada nivelo)
sed Jo'zsef estis (ecx) pli ambicia. Li celis superan grandon, pri cxio.

Amike

Blazio

Dankon, Kara Blazio, pro via rekono. Estis por mi problemeto decidi, kiun vojon elekti, ĉu sklave sekvi la hungaran laǔ la jamba ritmoskemo ti-ta, aǔ plilongigi la jambon (fari amfobraĥojn: ti-ta-ti), aǔ sekvi la parolatan lingvon (do, ne tordi la enhavon, precipe ĉe la strofofinaj unupiedaj rimoj). Sekve mi elektis popolkanteskan formon laǔ la instrukcioj de Attila, por kiu eĉ en la aplikado de diversaj futurismaj ismoj la gvidlinon signifis ĉiam popolkantoj.
Siatempe en la redakcio de la iama Hungara Vivo (ĝi mortis en 1989 aǔ 1990) okazis iu interna konkurso inter la ĉeestantaj tardukartistoj (kiun partoprenis ankaǔ la nomitaj personoj). La malfacileco de la tasko Esperantigi tiun ĉi perlon de la hungara literaturo estis enorme granda. Fine ili decidis kunknedi la bonajn partojn de la tradukoj, kaj la tradukaĵon notis per sia nomo P. A. Rados. Ankaǔ tiu traduko estas cetere legebla en la hejmpaĝo de Jozsef Horvath www.vortaro.hu.
Dankon pro la rimarko de tajperaro, mi alĝustigis ĝin. Sed ankaǔ mi trovis tajperaron ĉe vi, vi celis verŝajne *superan gradon*. (Sed ni ne estas tajpartistinoj!)

Dankon, Imre, pro la klarigoj, kompletigo.
Eble mi őartpőremos tajpokurson, oni devas adaptigxi al la liter-tehhnikaj postuloj de la epoko.

Amike

Blazio

Redankon, Blazio!
Mi ĉiam admiris vian humuron: őartpőremos.
Tio plaĉis al mi. Sed mi kmprnis vian celon.
Tamen dankon pro la rimarko de tiu ne!

Estas perfekta traduko. Nekredeble simila al la hungara originalo. Gratulon!!!!!!!!!!!!