This form is secure
Send a message
Search for members
This post is public
Jungas mi ĉevalojn
(Befogom a lovam)
Trad.: Imre Szabó
Jungas mi ĉevalojn, jungas mi ĉevalojn
al ĉareto verdkolora.
Portos mi la grenon, portos mi la grenon
al la muelejo fora.
Petos mi la mueliston fari por mi la farunon,
ĉar la amikino, ĉar la amikino forrifuzas la brakumon.
Ĉingilinga ĉardo, ĉingilinga ĉardo
kalkumita blanka bele.
Tie dancas knaboj kaj la junulinoj
ĉiam, ĉiam dumvespere.
Ĉiu havas danckunulon, kun kiu ŝi dancas verve,
sed nur mia sola, sed nur mia sola velkas soldatserve.
En rozujo mi naskiĝis
(Rózsabokorban jöttem)
Tad.: Kálmán Kalocsay--Imre Szabó
En rozujo mi naskiĝis matene,
panjo min ne vane lulis amplene
Fraŭloj venis post mi el vilaĝoj tri,
mi elektis, ludis, trompis,
amojn plektis, korojn rompis kun pasi'. (Kalocsay)
Se foj-foje mi trakorte promenas,
min admiri multaj, multaj alvenas.
Taksas junaj kaj maljunaj flustre min:
kiom ĉarma, kiom plaĉa
tiu bruna, rozvizaĝa junedzin'! (Szabó)
Al junuloj ekde nun mi ne fidas,
ili ĉiam nur la samon avidas.
Iru pace sur disiga vojo for,
niaj revoj tre malsamas,
ja min ne plu, ja min ne plu amas via kor'.
Béla Apáti Kovács says: