Okaze de la datreveno de la alvoko de la 18a de junio 1940
kaj por iom kontrauxbatali la defetisman modon
jen duonsxerca adaptajxo de la parolado de Charles de Gaulle:


La estraroj, kiuj de multaj jaroj gvidas la esperanto-asociojn elformis starpunkton. Laux tiu starpunkto pro la nesukcesoj de niaj iniciatoj oni cxesu lukti.

Veras, ke ni estis kaj ni estas supersxutitaj de la amaskomunikila, ekonomia kaj moda forto de la kontrauxulo.


Multe pli ol ilia kvanto, estas la amaskomunikiloj, la ekonomia potenco kaj la lingva taktiko de la anglalingvanoj, kiuj malprogresigas nin. Estas la amaskomunikiloj, la ekonomia potenco kaj la lingva taktiko de la anglalingvanoj, kiuj surprizis niajn estrarojn kaj kondukis ilin al ilia nuntempa sinteno.

Sed cxu la lasta vorto jam auxdigxis? Cxu la espero devas malaperi? Cxu la malvenko estas porcxiama? Ne!


Sed kredu, nenio estas perdita por Esperanto. La samaj rimedoj, kiuj venkis nin povas iam venigi nian venkon.


Cxar Esperanto ne estas sola! Gxi ne estas sola! Gxi ne estas sola!
Gxi havas vastajn mondopartojn malantaux si. Gxi povas aliancigxi kun la lingvodefendantoj kaj la alimondanoj, kiuj dauxrigas la lukton. Gxi povas uzi la senlimajn eblecojn de interreto.


Tiu lukto ne limigas sin al niaj povraj asocioj. Tiu lukto ne estas
finita pro la multaj malsukcesoj. Tiu lukto estas tutmonda. Malgraux cxiuj eraroj kaj cxiuj postrestoj trovigxas en la mondo la necesaj rimedoj por
iam silentigi niajn kontrauxulojn. Batitaj per informada forto, ni povos estonte venki per pli granda informada forto. La destino de la mondo dependas de tio.

 

Ni invitas la esperanto-parolantojn kaj esperanto-subtenantojn, kiuj estas en interreto kun rimedoj aux sen rimedoj, ni invitas jxurnalistojn kaj fakulojn pri informado, kiuj trovigxas en la sendependa interreto kontakti nin.

Kio ajn okazu, la flamo de la esperanta ideo ne devas estingigxi, kaj gxi ne estingigxos.


2008.06.18

La originala legeblas cxe:
http://www.charles-de-gaulle.org/dossier/18juin/temoignages/appel.htm