Claude Piron pri la vorto "universala"

Jes, Piron argumentas konvinke.
Verdire, ankaŭ asocioj povus esti nomataj malpli tutece. Jes, asocioj ie lokiĝas,
sed ili kutime ne povus reprezenti tutan mondon, tutan kontinenton, tutan landon.
Mi ne insistus pri tio, nur al mi pli plaĉus "Esperanto-Asocio Kverko" ol
"Tut-Eŭrazia Esperanto-Asocio (espereble io tia ne ekzistas). Oni ja povus aldoni
poste ian priskribeton de la ĉefa kampo de agado.

Mi scias, ke tradicioj estas aferoj firmaj.

jes, tre utila konsilo.

Bedaŭrinde, mi ne povas kompreni parolan esperanton. Sed pri la vorto "universalo", mi povas dire ke se oni rajtas diri pri la voĉdonado ke ĝi estas "universala", mi ne tre bone komprenas kial oni ne rajtus diri pri planlingvo kiel esperanto ke ĝi estas, aŭ pli precize ke ĝi celas esti, "universala".

Li diras, ke ĝi elvokas superregecon aŭ "ĉio aŭ nenio" pensmanieron.

Fine de la 19-a kaj komence de la 20-a jarcentoj "Universala" estis tre moda vorto. Tiam okazis
"Exposition Universelle".

Sed ĉefe ĝi estas miskomprenebla. Aŭdante "universala lingvo" ne malmultaj komprenas, ke ĝi volas
forigi la aliajn lingvojn.

Pro tiuj multaj, kialoj oni evitu uzi tiun adjektivon parolante pri Esperanto.
Kaj kiam oni tradukas nacilingven la nomon de UEA (kiu fondiĝis en la ora epoko de la vorto)
oni ne traduku "universala" laŭvorte:

Ekzemple
www.uea.org/info/germana.html
www.uea.org/info/angla.html
fr.wikipedia.org/wiki/Association_mondiale_d'esp%C3%A9ranto
"Bienvenue sur le site d'Espéranto-France, l'association française d'espéranto, membre de l'Association mondiale d'espéranto"
esperanto-france.org
"UEA Association mondiale d'espéranto" esperanto.net/info/index_fr.html
Message de l’Association Mondiale d’Espéranto (UEA)
www.ipernity.com/blog/48591/123788

Ne temas pri fuŝtraduko temas pri intenca ne laŭvorta traduko.
La kialo estas la sama kialo pro kio oni evitu uzi la vorton "propagando" sed tion vi kaj multaj aliaj ne volas kompreni.

Ne, ĝi estas fakte Internacia Esperanto Asocio. La moderna UEA kreiĝis per la kunfandiĝo de Internacia Esperanto Ligo kaj la malnova Universala Esperanto Asocio.

Ne tiu signifo de Universala pri kiu vi skribas estas la problemo. Sed unu el la aliaj, kiu povas kompreniĝi kiel "ununura lingvo uzata ĉie".

Denove oni vidas ke "e-istoj" ne volas vidi la problemon. Ĉefe ekstremmaldekstruloj kiel Peter por kiuj "propagando", "universala" kaj granda stelo ligiĝas nepre al pozitivaj aferoj. Ili simple ne kapablas meti sin en la lokon de iu alia.

Kiel skribis Zamenhof en "Esenco kaj estonteco de la ideo de lingvo internacia": "Lingvo internacia" kaj "lingvo tutmonda" estas du tute malsamaj objektoj, kiujn miksi inter si oni neniel devas.

Eble la vorto universala signifas ankaŭ 'kun diversaj agadkampoj' ? Tamen mi konsentas, universala sonas tro singravige kaj malmodeste.

Jes universala havas ankaŭ tiun signifon. Sed ne kun tiu estas la problemo. "Universala lingvo" riskas esti komprenata de kelkaj personoj kiel lingvo uzata ĉie anstataŭ la aliaj lingvoj.

Mi atentigas vin pri la fakto ke ĝuste la subtenantoj de la angla kiel tutmonda komunikilo komencas uzi la vorton "universala". Mi rimarkis tion ie kaj tie lasttempe. Tiel farante, ili pafas al si en la piedon, bonege!!!

Tre bona novaĵo! ;)

La angla estas tutmonda komunikilo, do fakte ne bezonas subtenon.

Ankaŭ la vorto tutmonda sonas ridinde kaze de SAT, ĉu ne?