Linuksaj problemetoj

Mi imagas ke vi trovos neniun solvon al tio.

En linukso, kelkaj redaktiloj permesas uzi filtrojn. Facilas skribi filtron, kiu ŝanĝos iksan tekston al ĉapela. Tamen se vi volas tion funkciantan en la tekstujoj de krozilo, ekzemple, ŝajne vi ne sukcesos.

Eblas ŝajne skribi iun programeron por SCIM (aŭ SKIM), sed ankaŭ tio funkcios nur por programoj skribitaj sur GTK aŭ QT.

Teruriga sistemo... :)
Ĉu eble mi devas alkutimiĝi al la Esperanta klavaro nun? Estus iom malfacile rompi kutimojn...
Alia ebleco estas, kiel pasintjare okazis pri Kubuntu 7.04, post semajna eŭforio forgesi pri Linukso... :)

Ekzistas klavar-fasono por esperanto. Simple iru al la agordo de via labormedio (desktop) kaj elektu "eo"-n. Tre facile vi povas elekti ĝin kiel alternativan klavaron kaj ŝalti inter via normala klavaro kaj e-klavaro per speciala klav-kombino.

La malavantaĝo de tiu metodo estas ke vi devas antaŭ-scii la pozicion de la e-literoj sur via klavaro.

Alia metodo, kiu funkcias ĉe mi, estas krei dosieron .Xmodmap en la baza uzul-dosierujo. Vi devas tajpi kelkajn instrukciojn por, ekzemple, uzi la cirkumfleksan klavon en kombino de aliaj por rezulti la ĝustan e-literon. La afero estas ne-triviala sed sufiĉe simpla. Vi trovos bonegan gvidadon en la retejo de Bertilo:

www.bertilow.com/komputo/linukso.html

Ho, dankon. Tie ĉe Bertilo mi trovis tre utilan ligilon al www.jwz.org/xkeycaps — per tio mi kredeble faros personajn klavararanĝojn por mi: latinan kaj cirilan.

Sub Vindozo kelkaj aferoj estas evidente pli facilaj ankoraŭ...

Mi pensas ke tiel vi ne sukcesos ricevi la ŝanĝon de posta 'x' al ĉapeligo.

Mi imagis, ĉu X komprenas "mortajn" literajn klavojn. Tiuj klavoj ne efikas al teksto, ĝis sekva klavo ne venas. Eblus havi regulojn, kiuj ekzemple konsideras 'c' morta klavo. Tial, neniu litero aperos ĝis la venonta klavklako. Se 'x', do aperos ĉ. Se ne 'x', aperos c+literonova.

Tamen mi pensas ke X ne komprenas tiajn "mortajn" klavojn, kaj komprenas nur supersignajn. Aldone, ne funkcius tajpo de duobla 'c', mi pensas.

Do same kiel mi diris unue, mi ne povas imagi, kiel vi povos tajpi laŭ Eka metodo en Linukso. Bonvolu sciigi je sukceso!

Min kontentigus sxovo de Esperantaj literoj al kombinoj Alt+c, Alt+g kaj similaj.
Por provi fari tion mi bezonus nur kompreni, kion mi faru pri la dosierujo xkeycaps, kiun mi ricevis nun... La manlibro estas iom ne pri tio.

Mi fakte tion faris. Antaux jaroj mi pretigis tiun cxi dokumenton: vicerveza.homeunix.net/~viric/doc/X-lingvoj-howto

Mi ne scias, cxu sekvo de tiuj instrukcioj tro suferigos vin. :)

En mia unuaj linuksaj skatoloj mi iam elturniĝis per manipulado de /etc/X11/xkb/symbols/pc/

Sed tia manipulado bezonas administran povon; do mi kredas ke, laŭeble, homoj ne uzu la administrajn privilegiojn por tiaj bagatelaj agordoj: krom komplikaj, ili estas ankaŭ danĝeraj. Tial, mi rezistas konsili pri tiaj elturniĝoj, precipe al homoj kiuj unuafoje venas en la linuksan mondon, jam alkutimiĝintaj al vindozaj manieroj.

» venas en la linuksan mondon, jam alkutimiĝintaj al vindozaj manieroj.

Kiel la oseta proverbo diras, „hundo revenas al sia vomaĵo“ — same mi konstante revenas al Vindozo, kvankam, necesas agnoski, mia Linukso iĝas pli kaj pli uzebla.

Nun mi uzas openSUSE 11 beta 3 kun la nova KDE. En ĝi troviĝas (kontraste al la antaŭa versio de openSUSE — 10.3) la cirila oseta klavaro, sed bezono iom reredakti ĝin restas.

Ne oseta, Petro la apostolo skribis tion...

Ho, pardonu. Mi legis en osetlingva fonto kaj ne rimarkis, ke estas citaĵo.

Mi provos rigardi. Ĉu mi ĝuste komprenas, ke tio, kio estas por X, estas por ambaŭ Gnome kaj KDE?..

Krome mi trovis alian, ŝajne klaran, priskribon ĉe people.uleth.ca/~daniel.odonnell/Blog/custom-keyboard-in-linux11

Via dokumento aspektas klara, sed la menciataj dosierujoj en mia openSUSE 11 forestas :)
Mi dume eltrovis, kiel mi tajpu finne (pääkaupunki, ekz.; tre facile), sed por Esperanto restas dume teni min ĉe la servoj, kiuj rekodigas la ikso-sistemon (feliĉe, ankaŭ Ipernitio faras tion).

(perdonu se mi skriberaras)

Mi sxercxis kiel eblas tajpi la esperantajn literojn kun Linukso kaj trovis duajn solvojn kun la tekstulo emacs.

solvo 1 : En "emacs" vi povus obteni tiajn literojn tajpanto :
- ^ + s, g ktp...

solvo 2 : agordi "emacs" laux la tajpmodo : esperanto-postfix

tiel eblas fari :
1) samtempe premi Alt + X
2) tajpi "set-input-method" kaj (la tekston aperos en la malsupra linia de emacs)
3) tajpi "esperanto-postfix"
post kiam vi tajpas "esperanto" vi povas premi por ke emacs indikas al vi la eblajn elektojn.

Se vi cjon bone faris, vi nun povas tajpi c + x por ĉ

Saluton Slavik, mi reprogramis mian klavaron por tajpi kunĉapelajn literojn. Estas .txt -formata programaĵo, mi povas sciigi, kien ĝin enŝovi. Mi tajpas en iu ajn fenestro, en iu ajn programo. Mi ankaŭ uzas OpenSuSe. Plie, mi reprogramis kelkajn aliajn klavarojn por miaj bezonoj (ekz. la armenan) do preskaŭ ĝisfonde esploris la temon.

Mi tre ŝatus havi vian reprogramon kaj eventuale gvidileton pri kiel refari la klavardismetojn. Mi bezonas unun latinan por tajpi angle kaj Esperante kaj unun cirilan por tajpi ruse kaj osete. Mi reagordus la linuksan samkiel mi alkutimiĝis en Vindozo.