Falsa vizaĝo de okcidentaj medioj

Nu, jxurnalistoj estas homoj, kiuj ankaux faras erarojn, kaj redaktejo estas lokoj, kien alvenas amaso da informoj el la tuta mondo...kaj ne cxiuj estas informe altkvalitaj! Tamen, skribi, ke ili tion faris intence, estas malverajxo: cxe ni la preso, plejparte, ne estas politike direktita, kiel okazas, male, en Cxinio (cxu vi povus citi almenaux unu jxurnalon, kiu aperte kritikas la partion, la armeon aux la regantan ministraron? Ne ekzistas sendependa preso en Cxinio...). Kaj cetere, mi bone memoras tiujn samajn imagojn cxe la itala televido: oni neniam asertis, ke temas pri cxinaj policanoj aux soldatoj. Oni cxiam informis, ke temas pri nepalaj policistoj ktp. La samon mi povas diri pri italaj jxurnaloj: mi vidis plurajn el tiuj imagoj, kaj neniam oni skribis, ke temas pri cxinaj policistoj ktp...Amike

"Nu, jxurnalistoj estas homoj, kiuj ankaux faras erarojn, kaj redaktejo estas lokoj, kien alvenas amaso da informoj el la tuta mondo...kaj ne cxiuj estas informe altkvalitaj!"

Okcidentaj ĵurnalistoj samtempe faris la samajn erarojn. Ĉu eblas?

Mi tute ne kredas vian klarigon!

Vizitu suban paĝon kaj Spektu, ĉu BBC tion faris intence? La filmeto estas farita de ordinara retumanto, ne CCTV!
video.cctv.com/opus/84493.html
Kritikaj artikoloj al ĉina registaro ktp ĉiutage videbas en diversaj ĵunurnaloj, retejo, jen mi donas al vi Forumon en CCTV, kie oni eĉ povas afiŝi anonime:
fuxing.bbs.cctv.com/index.php

kara Xuesong, dankon pro viaj informoj: mi volonte iros al tiuj pagxaroj por informigxi. Amike

Zhang, bv. respondi al mi: kion pri viaj amaskomukiloj de via lando? Ĉu ili estas tute liberaj? Ĉu interreto estas tute libera? Ĉu vi ĉinoj libere povas organizi sin en politikaj partioj laŭ via propra konscio? Ĉu via registaro povas esti libere kritikata de viaj amaskomunikiloj? Ĉu vi mem sentas sin tute libera por eksponi vian penson surstrate? La historio de mia lando estas historio de diktaturoj... Ni nuntempe ĝuas demokratian reĝimon jam de 23 jaroj kaj kredu: tio plibonas...

Kun amikeco,
César

Vi, ŝajnas al mi, estus knabeto montri al ni viajn bombonojn. Sed estus danĝera ricevi bombonon de iu nekonato. Ni ricevus vian bombonon, kiam ni fariĝus konantoj, kaj ni reciproke aldonos al vi ion, kio certe mankas al vi.

Nun ĉinaj amaskominikiloj inkluzive de interreto estas tute liberaj sub la permesoj de leĝoj, oni povas libere raporti kaj kritiki pri ĉio. La kontraŭleĝaj kompreneble estas malpermesitaj. Raportisto de falsa raportaĵo ricevos sankcion de sia administranto, eĉ punon de leĝo.
Ĉinoj ankaŭ povas organizi sin en politikaj partioj laŭ sia propra konscio, se ili ne kontraŭas la registaron.
Mi nun neniam sentas ne liberon por eksponi mian penson surstrate. Dum mia infaneco, la periodo de la Granda Kultura Revolucio oni ja ne povas libere eksponi surstrate sian penson pri politiko, registaro ktp.
Kvankam mi konfesas, ke ni ankoraŭ ne estas tiel demokratia kiel en okcidentaj landoj, tamen mi kredas kiel vi: tio pli kaj pli boniĝas...

'... se ili ne kontraŭas la registaron.' Tia estas la granda problemo!

Sed fine ne estas mia intenco polemiki pri tiu temo. Alie antaŭnelonge mi legis, ke por orientanoj la ideo pri HARMONIO pli valoras ol tiu de LIBERECO. La ideo pri libereco estis disvolvita en la okcidenta civilizo danke al nia grek-romia heredaĵo. Por ni tia koncepto estas pli kara, esenca kiel homvaloro. Eble pro tio vi pli facile akceptas la ideon pri fermitaj reĝimoj... Sed mi ŝatus plibone koni kion pensas la novaj generacioj de ĉinoj...

Kara Arkisto, nu, unue vivu en redaktejoj de jxurnaloj, kaj vi povos poste prijugxi...Strange ke cxie ajn en la mondo, jxurnaloj raportas pli malpli la samon pri tio, kio okazas en Tibeto (konsiderante ke ekzistas tre fortaj politikaj diferencoj ne nur de lando al lando, sed de jxurnalo al jxurnalo: ecx ekstremkomunistaj jxurnaloj akre atakas la cxinan sintenon al Tibeto...sed oni ja scias, ke Cxinio ne plu estas komunista lando...). Zhang, vi pravas, kiam vi diras ke nuntempe ne plu estas kiel dum la periodo de la Kultura Revolucio. Gxiajn erarojn rekonas pluraj cxinaj autoritatuloj kaj multaj cxinaj verkoj pri tiu periodo. Mi same konsentas kun vi, ke estas ege pli granda parollibero nun, ol antaux kelkaj jaroj: en Cxinio mi auxdis Cxinojn en kafejoj interparoli inter si, kaj diskuti pri la fakto ke Tibeto rajtas je pli multe da libereco, aux pri la fakto, ke multaj homoj tute prifajfas la aldonon de Tajvano al Cxinio...kvankam la oficiala sinteno de la registaro estas tute alia. Estas ankaux vere, ke en la cxinaj librovendeoj acxeteblas amaso da verkoj tradukitaj el multaj lingvoj, kiuj vere reprezentas la vidpunkton de okcidentanoj aux orientanoj, kiuj aligxis al la parlamentdemokratia sistemo, kiel Japanio aux Koreujo (mi ecx vidis biografion pri Cxangkajsxeko, verkita for de Cxinio). Tial mi estas samtempe kritikema, sed ege respektema. Kompreneble, kiam oni analizas la faktojn surbaze de nia parlamentdemokrata pensmaniero (kontraux mortopuno, efektiva demokrata vivo, pensolibero ktp) Cxinio ankoraux devas lauxiri longan vojon...Sed, laux mi, vi jam iris longegan vojon, kaj opinias, ke vi bone sukcesos en tio. Respekte kaj amike (kvankam kritikeme!)