Blogo de Ora Mezo

Metroo amas

Mi ŝatas observi pasaĝerojn en la metroo. Jen ili kuras ien kaj svarmas ĉe la pordoj de vagonaro, jen ili lacaj venas hejmen -- iuj dormetas, aliaj legas aŭ aŭskultas muzikon. Ili ĉiuj estas malsamaj, sed samtempe similaj. Jen juna paro kisas senkaŝe, jen grupo de eksterlandanoj admire rigardas al plafono de stacio...

Do, mi volas kolekti ĉiujn miajn fotojn, faritajn en Moskva metroo, en unu albumon -- plejparte tio estos fotoj de homoj, kiuj veturas, dormas, sonĝas, amas... Homoj, kiujn ni, moskvanoj, vidas ĉiutage, ĉar tiu homoj estas ni mem.

Bonvenon al albumo Metroo vivas ĉe Ipernity!

Kelkaj amikoj demandis min kiel mi uzas Twitter'on. Estas bona demando, mi mem iam demandas min pri la samo. Do, mi provas respondi.

Mi havas alian blogon, kiu ankaŭ aperas en e-planedo. Ĉu necesas kopii blogerojn kiujn mi publikigas tie, ankaŭ en ĉi-blogo en Ipernity?

Aŭ tio estas superflua?

Fotisto estas tiu, kiu vidas nevideblon. Dekomence ni estas ĝustigitaj por rimarki ĉion eksterordinaran.

Ĝenerale ekzistas du metodoj por foti ĉiutagan vivon: foto fiksanta realecon kaj foto konceptanta ĝin.

Pli bone la fotisto estu vundebla ol banala.

Fonto: Andrej Godaseviĉ http://prophotos.ru/education/10365-s-emka-v-gorode-i-ne-tolko (ruslingve)

Ankoraŭ unu provo blogi retpoŝte per poŝtelefono. Mi uzas regulan retpoŝtan klienton en mia T630. 
Do, mi nur ludas. Fakte mi ne tre bezonas... Por mi sufiĉas Twitter en la poŝtelefono.

Lastatempe mi aktive uzas Twitter'on. Se iu ne scias, Twitter estas la plej fama kaj uzata sistemo de mikroblogoj.

Unu fama verkistino vizitis ekspozicion de iu fama fotisto. Poste ŝi admire diris al la fotisto: “Viaj fotoj estas tiom belegaj! Estas evidente ke vi uzas la plej multekostan fotilon!”
“Ho! Vi verkas tiom belajn romanojn! Verŝajne vi uzas la plej multekostan plumingon!” respondis la fotisto.

Mia nova esperantlingva konto: http://twitter.com/oramezo. Bonvenon!

Я на Твиттере: http://twitter.com/dmych. Присоединяйтесь!

Finfine mi faris tion...

Mi akiris domajnon kaj kreis propran retejon.

Do, bonvenon al OraMezo.org! (Klaku "Esperanto" sur la paĝo por eniri).

Post kelkaj semajnoj de pli-malpli varma, preskaŭ somera, vetero, subite komenciĝis "padusa malvarmo" (ruse "Черёмуховые холода") - unu-du semajnoj printempe kiam ekfloras paduso la temperaturo forte malaltiĝas.

Hodiaŭ matene mia termometro montris nulon - tro malvarme eĉ por mi, ĉar mi jam alkutimiĝis ke estas printempo, preskaŭ somero. Oni diris ke eblas eĉ neĝo dum kelkaj tagoj...

Mia malnova artikoleto kiu eble helpos al iu sentime komenci uzi la plej bonan redaktilon. :)

oramezo.wordpress.com/2008/05/05/emakso-por-komencantoj

Hodiaŭ oni aŭetis unuan mian foton ĉe fotobanko. La foto estas jena:

Kaj jen estas ligilo al la vendita foto ĉe Fotolia: http://www.fotolia.com/id/6862650. :)

La ĉefa novaĵo en mia vivo estas ke mi finfine venis al fotobankoj. Ne, ne temas pri Corbis kaj Getti Images sed pri malmultekostaj, kiuj angle nomiĝas microstocks.

Dum longa tempo mi pripensis kiamaniere mi povus profiti monon pro miaj fotoj? Mi pensis pri kariero de edziĝ-fotisto sed tio estas ege respondeca kaj ne tre interesa afero, min oni invitis fariĝi raportisto sed mi kalkulis kiom da mono mi povus ricevi kaj mi rifuzis.

Finfine mi legis pri fotobankoj kaj miaj konatuloj persiste invitis min veni tien. Do, post interparolado kun ili kaj post legado de multaj artikoloj pri la afero, ĝi jam sufiĉe klaras por mi. Unuatempe ne temas pri nebula profito. Almenaŭ dum duonjaro (aŭ eĉ pli longe) mi nur senĉese fotu kaj metu la plej bonajn fotojn en la bankojn. Nur post kiam mi havos 200-300 fotojn en kelkaj banko, mi komencos ricevi sufiĉe multe - almenaŭ por kompensi mian hobion (mi ja ankoraŭ bezonas novajn objektivojn, por fari bonajn fotojn por bankoj mi bezonas lui ateliaron kun bonaj lumiloj kaj fonoj ktp).

Do, jen estas miaj fotoj en kelkaj fotobankoj:

• 123RF
• Fotolia
• Dreamstime
• Big Stock Photo
• Albumo
• Stockxpert
• LuckyOliver

Jam delonge mi uzas Google Calendar por plani fotosesiojn kaj por planado de mia propra tempo. Nun nia teamo ĉe la firmao ankaŭ uzas ĝin por plani deĵoradon ktp. Sed Interreto ja ne ĉiam atingeblas (ekzemple dum mi veturas en la oficejo aŭ hejmen). Kaj ne ĉiam oportunas uzi komputilon nur por kontroli ĉu mi estos okupita en certa tempo aŭ por aldoni unu nuran eventon. Kalendaro en mia poŝtelefono ŝajnas pli oportuna ilo, ĉu ne?

Jam delonge mi nenion skribis ĉi-tie...

Mi prezentas mian novan retejeton: http://dbrechalov.googlepages.com/.

La retejo estas tute en la rusa, ĉar ĝi estas mia fotista vizitkarto kaj adresita al modeloj kaj eventualaj klientoj. Do, pardonu min tiuj, kiu ne scipovas la rusan. Tamen, por spekti fotojn oni ja bezonas scipovi neniun lingvon, ĉu? ;)

Hodiaŭ mi invitas vin veturi per kablotramo en Kislovodska parko.