Eĥo de la pasinteco

ne bezonas pardonon, ĉiu havas vivon.
Tamen mi plu atendas la regulojn de "Mariage" !

Jes, mi ne forgesis! Antaŭ nelonge mi prenis la oficialan tekston de Ĉeĥa mariaĝo-asocio kaj preskaŭ tradukis la unuan parton - ĝeneralajn regulojn komunajn por kelkaj specoj de la ludo. Mi havas la dokumenton sur mia labortablo kaj ĝi atendas fintradukon. Mi legis kelkaj Esperantajn vikipediajn artikolojn pri kartludoj por informiĝi pri la terminologio, sed mi ne estas tre kontenta pri mia traduko. Ne gravas, mi povos publikigi ĝin kaj eble ni kune plibonigos ĝin. Mi ĉiam havis senton ke vi ne forgesos pri mia "promeso" traduki la regulojn kaj nun mi vere vidas, ke vi daŭre atendas la tradukon, kaj tio certe motivos min.

Cetere, la esprimo kiu plej mankas al mi estas iom baza, ĝi estu verbo: Ĉiu ludanto laŭvice "donas/metas" unu karton el la mano al la tablo (ĝi devas sekvi regulojn pri la donata karto), tiuj donitaj kartoj, po unu el ĉiu ludanto, estas nomataj kartopreno. La kartoprenon venkos iu el la ludantoj (depende de la donitaj katoj), kaj poste forprenos ĝin el mezo de la tablo kaj metos ĝin al propra kartostako. Nu, kaj mi serĉas verbon por la ago "doni karton al la kartopreno" - se mi bone memoras mi uzis tiun longan esprimon kaj mi ne ŝatas tion. Ĉu vi ne havas iun proponon? (La supra parto ne estas precize parto de la reguloj, mi skribis ĝin nun por klarigi la problemon.)

en mia traduko de pikedo mi uzas "surtabligi"
Kaj por la "kartopreno", france "pli" (m), mi metis "prenaĵopo". sutabligi ŝajnas al mi bona, sed prenaĵopo iom plumpa. Sed endus serĉi en la diversaj ludreguloj troviĝantaj sur la reto (mi scisas, ke ekzistas pluraj, mi serĉos por ilin retrovi pere de Google.) por vidi kiun vorton ili uzas.

Nun mi finis krudan version de la traduko (kiel dokumento de MS Word) sed mi havas grandajn problemojn publikigi ĝin kiel blogaĵon ĉi tie, ĉar ĝi uzas bulajn listojn enmetitajn en ordigitaj listoj - kaj tion Ipernity simple ne akceptas, eĉ se mi provas reskribi tion uzante na vera HTML.

Kara amiko,
mi tre ĝojas ke vi reaperis. La tutan tempon estis al mi klare, ke vi estas multe pli prudenta homo ol mi kaj ne malŝparas vian tutan tempon en ipernity.
Bone ke ankaŭ prudento havas limon ;-)

Nu, verŝajne mi malŝparis la tempon ie alie (ol en interreto), ĉar neniu grava rezulto videblas :-)