Esperanto-Asocio de Britio (EAB) decidis ne represi la Esperantan-anglan vortaron de Montagu Butler el 1967, sed helpemulo skanis ĝin, kun permeso de EAB, do interesatoj povas nun elŝuti la grandan PDF-dosieron (27,6 MB) por konsulti ĝin.

La vortaro enhavas multajn Esperantajn vortojn, kiuj ne estas en PIV, sed ĉefe temas pri esperantigitaj sciencaj nomoj de plantoj kaj bestoj.

Por eviti troan trafikon al la TTT-servilo de EAB mi metis la dosieron en senpagan ejon kaj aldonis ligon en Vikipedio, kiun oni povos laŭbezone aktualigi. Se vi volas certiĝi, ke vi havas la veran dosieron, profitu la magion de kriptologiaj diĝestoj. Jen ĝia MD5-sumo:

592e539e97b0cdf114cefece0fb598d4 Butler-Esperanto-English-1967-v1.pdf

La paĝobildoj ne estas perfektaj. En almenaŭ unu paĝo iomete da teksto perdiĝis. Raportu tiajn problemojn ĉi tie, se vi volas. Se vi sendus al mi pli bonan bildon de la koncerna paĝo, mi eble unu tagon kreus version 2 de la dosiero. Eble.

Rilataj ligoj:

http://eo.wikipedia.org/wiki/Montagu_Christie_Butler#Eksteraj_ligiloj

http://katalogo.uea.org/katalogo.php?inf=834

http://eo.wikipedia.org/wiki/MD5

http://esperanto-gb.org/eab/bookshop/eablibroj1.htm