Nova aplikaĵo por videokonferencoj

Nur por Vindozo kaj Mac. Mi iris al la retejo por eltrovi la protokolon kiun OoVoo uzas. Ne povis! Ne gravas, ĉar Ekiga (kiu estas la sama tipo de programo por Linukso) uzas kaj SIP kaj H.323, do verŝajne ĉiuj povus interkomuniki. Por Linuksuloj: Ekiga

Ho, bedaŭrinde mi ne pripensis linuksanojn, espereble al ili pli efikas la programo Ekiga, kiun mi ne konas, sed se vi diras, ke estas bona, do, certe ĝi bonas...

Saluton...Mi vere estas intuziasma pri tiu nova sistemo de videokonferencoj.
Karesema

Mi sukcesis instali en mian komputilon OoVoo-n. Ĉu por ĉiu partoprenanto estas bezonata mikrofono por paroli? Ĉe vi mi ne vidis, ke vi uzus aŭdilon aŭ mikrofonon.
Scivoleme kaj amike, Anjo

Se vi ne havas mikrofonon, vi ne povos paroli, sed aŭskulti la aliajn, jes. Tamen, kial instali aplikaĵojn por babiladi laŭte kaj videble, se vi ne havas mikrofonon kaj kameraon? Ĉu poetika demando?

Vi, kiel profesiulo en tiu ĉi afero, ĉu vi povas proponi al mi la bezonatajn kun akceptebla prezo por aĉeti ilin?

Hm, ĝuste hodiaŭ mi faris proponon al iu: do, la plej simpla estas, se vi elektas ĉe la plej malaltpreza retbutiko (Extrem Digital - www.edigital.hu) pri tiaj varoj iun kameraon kun enkonstruita mikrofono, ekzemple la mendeblan ĉe tiu ĉi ligoadreso - www.edigital.hu/product.php?productid=33600. Vi povas mendi ĝin interrete, kaj vi povas ĝin sendigi hejmen al vi. Sed vi povas aĉeti ion ankaŭ en la grandaj aĉetej-centroj ("pláza"), en la fakaj vendejoj (ekz. Media Markt ktp.)... Sed ekzistas pli malalt-prezaj orelaŭdilaj solviloj kun mikrofono (sen kamerao!) ankaŭ. Priserĉu interreton!

Morgaŭ mi havos la kameraon kuplitan kun mikrofono kun UBS ligilo.

Ege mi ĝojas!