This form is secure
Send a message
Search for members
This post is public
Neniu scias kia prezidanto de Usono estos Barack Obaka, kaj oni ne povas demokratie prijuĝi lian prezidantecon ĝis 100 tagoj post lia ekregado. Tamen, temas pri la prezidanto de Usono, la plej potenca politika estaĵo de la mondo kiu senĉese militadas ĉie tra la mondo depost 3 jarcentoj. Krome, kiel ĉiu alia prezidanto, temas pri servuto de la plej povaj kapitalismaj entreprenoj.
Tial mi konsideras, ke estas demokratie malsana afero la fakto propagandi lin. Despli se oni riskas penti pri tiu propagandado.
Triste mi rimarkas, ke la komunumo de esperantistoj i.a. estis kaptita de liaj propagandaj rimedoj, kaj tial plimulto de retejoj, retlistoj kaj ĉiu esperantista retaĵoj kaj komunikiloj pripropagandas la tuj estontan prezidanton de Usono.
Kristale klare montriĝas, ke estas simple propagandilo al S-ro Obama, la ideoj por ŝanĝi Amerikon (sic) [kutime usonanoj nomas la tutan kontinenton kiel sian landon].
Venkis la negro post regado de la plej malamata fiulo; kaj tial oni traktos lian politikon kiel la revon de Martin Luther King, kaj tial oni traktos lian politikon bona kompare al tiu de Bush, kaj tial oni traktos lian politikon bona ĉar li estas ano de sumpremata raso, kaj oni traktos lian politikon bona ĉar li faris bonegan propagandon en ĉiuj malplimultaj kolektivoj. Esperantismo ankaŭ estis kaptita de liaj propagandaj kaptiloj.
Mi skeptike antaŭvidas bona la politikon de la nova prezidanto de Usono. Mi konsideras la fakton voĉdoni por Esperanto en la propagandilo de Obama, propagando por konsento al lia estonta politiko, eĉ se fia. Mi ne voĉdonas pro la fakto ne fali en tiu kaptilo.
Krome, mi ŝatus memorigi ĉiujn, ke Barack Obama, en tiu momento subtenas Israelon kaj ties krimojn.
Mauro Ortelli says:
Ĉu Obama, aŭ iu alia el tiu "propagandila" organizo (laŭ kiel vi nomas ĝin), kuraĝos uzi niajn voĉdonojn por Esperanto kiel pruvo de grandeco de ĝia subtenantaro?
Mi manifestacios tuj kiam la registaro de Obama decidos plu porti morton kaj mizeron tra la mondo.
* Bonvolu leganto pardoni tiun malkutiman kunmetaĵon: al-pled-ato, tiu fronte al kiu oni pledas pri io.
Farri replies:
Malfacilas disvastigi esperantismon dum oni propagandas la prezidanton de Usono.
Anĉjo PacHorano (Andrea Fontana) replies:
Nia retlistoj kaj retejoj publikigas la "ideas for change in America" nur por propagandi Esperanton.
Amike
Anĉjo.
Farri replies:
Mi antaŭvidas, tute ne profete, ke oni fajfos pri esperanto, sed inter esperantistoj Obama ja estas propagandata.
Jen mia vidpunkto.
Anĉjo PacHorano (Andrea Fontana) replies:
estas evidente ke pri tiu ĉi punkto (ĉu esperantistoj, ĉe tiu retejo, propagandas Obama-n?) mi kaj vi malkonsentas.
Tamen amike kaj kameradece salutas vin
Anĉjo.
[???ESPERANTO???]
Arno Lagrangepro says:
Momente eĉ ne temas pri tio : change.org prezentos nur la dek ideojn ricevintajn la plej multajn voĉojn kaj ĉiutage la propono por esperanto retroiras : de la 19a loko ĝi nun atingis la 30an kaj ĉiutage malproksimiĝas la iluzio ke change.org iam parolos pri la IL al Obama kaj al la regantaro de Usono. La batalo estas jam perdita antaŭ ol vi konfuzis la kolektanton de ideoj kaj la celaton.
Neniam temis pri apogi al Obama, sed nur eluzi ke li promesis okazigi ŝanĝojn en sia lando, por verkontroli ĉu li vere kapablus efektivigi kelkajn .
Farri replies:
Arno Lagrangepro replies:
Karulo (Karles) * says:
Manolopro says:
Kiu scias... eble miaj obĵetoj finfine koincidas tiujn de Farri...
Do, mi forte dubis sed finfine balotis, ĉar mi bilancis la riskon kaj, krome, mi estas sendependa de kiu ajn "ĉirkaŭa" koterio, kiu povus preni por mi la decidon.
Manolo edited this comment 11 months ago.
Przemysław Wierzbowski says:
Mi ankaŭ trovas ke en via artikoleto malamaj emocioj superas realisman rigardon. Unue vi prave rimarkas ke oni ne povas antaŭtaksi regadon de prezidanto kaj poste vi fantazias pri kruela estonteco.
Ĉemarĝene mi devas rimarki du aferojn: mi pensas, ke usonanoj nomas sian landon laŭ la nomo de la tuta kontinento, ne kontraŭe :) Ankaŭ ne estas vero ke Usono militas "ĉie tra la mondo depost 3 jarcentoj" - fakte Usono forlasis sian izolismon nur en la 1-a mondmilito (en 1917 militdeklaro al Germanujo). Antaŭe okazis aŭ enlandaj, aŭ kontraŭnajbaraj militoj dum formado de nuntempa federacio Usono.
Farri replies:
Farri says:
Ĉu mi devas disvastigi Esperanton sub la risko, ke oni pensu nin subtenantoj de tiu mondestro?
Arno Lagrangepro replies:
Cetere mi emfazas ke la propono jam malgajnis; kaj cetere la tri elektitaj proponoj en la eduka fako ĉiuj troviĝas inter la 28a kaj 31a loko: ŝajne la averaĝa usona civitano malinteresiĝas pri edukaj demandoj, kaj ne nur pri fremdaj lingvoj (ne parolante pri internacia neŭtrala helplingvo). Eĉ la celo atentigi usonanojn maltrafis sian celon. Kiom pezas 1500 aŭ 2000 voĉdonintoj kompare al ducent miliona indifirenta civitanaro ?
Farri, via batalo kontraŭ la proponintoj (Oleg, change.org, kaj tiuj kiuj subtenas la proponon) simple mistrafas sian celon. Neniam temis pri subteni al Obama, sed iel kapti la okazon de la elektiĝo de Obama por provi atentigi pri Esperanto. Anstataŭ aliĝi al tiu (jam fiaskinta) provo, vi klopodas subfosi ĝin!
Post tio, mi ne miras ke post 120 jaroj Esperanto ne pli disvastiĝis, se ĉiufoje kiam bonvolemaj homoj penas iudirekten, troviĝas iuj kiuj miskomprenas iliajn klopodojn kaj kontraŭbatalas ilin anstataŭ kunbatali. Ve!
Farri says:
Mi ŝatus sciigi al vi, ke mi ne publikigis mian malkonsenton al tiu kampanjo ĝis la lasta momento, eĉ se mi fervore malkonsentas de ties lanĉotago, ĉar mi neniel celas malhelpi miajn samideanojn. Mi deziras aŭdigi mian opinion al esperanta komunumo, kaj faris post plimulto el ĝi jam voĉdonis.
Post 120 jaroj Esperanto ne pli disvastiĝis ĉar esperantistoj senĉese aranĝas aferojn por si mem. Mi kredas, ke zamenhofa spirito malaperis kun la majstro, kaj finfine esperantismo fariĝis kvazaŭ religio.
Estu paco kaj homa interkompreno per neŭtrala helplingvo la celo, kaj Esperanto estu nur la ilo. Lastatempe Esperanto estas la celo por plimulto, kaj tial ni propagandas senĉese Esperanton anstataŭ propagandi homajn valorojn, lingvajn rajtojn, horizontalan informadon.
Tial, mia opinio al prem-kampanjoj al Eŭropa Unio, al Obama aŭ al Bin-Laden estas malfavora. Tial, mi kredas, ke Esperanto devas esti ĉiam elekto, neniam devigo. Kaj tial, oni ne devas peni disvastigante la ilon, sed la celon.
Ni devas batali por pli justa, paca kaj homa mondo, en la fako de lingvaj rajtoj kune kun aliaj movadoj kiaj tiuj porpacaj, kontraŭmilitaj, por lingvaj rajtoj, Internacia Amnestio, ktp. Tial, ni sukcesos veki intereson al interlingvo neŭtrala.
Ĉe ni, lastatempe junuloj perdadas intereson al Esperanto. Oni ja konsentas la idearon sed malkonsentas ke konstante ni aranĝas aferojn por nia propra plezuro, kaj neniel agas ekster Esperantio por disvastigi la internan ideon, la manifeston de Prago, nian idearon, lingvajn rajtojn.
Kaj nia afero fariĝas pli kaj pli tempopasigilo de maljunuloj.
Farri edited this comment 11 months ago.
Arno Lagrangepro replies:
Esperanto estu utila kaj agrabla por tiuj kiuj uzas ĝin, sed estu ne nur tio.
Se Esperanto sukcesas akiri agnoskon en iu tereno des pli bone, sed tiu strebo ne formanĝu ĉiujn fortojn.
Batali nur por la interna ideo (paco, justico, ...) sen ke Esperanto progresu en iu ajn tereno (instruado, homaranaj movadoj, ) estas risko vidi ĝin estingiĝi kaj fariĝi "bela ideo kiu malsukcesis" laŭ la tro ofte gurdata diraĵo.
Anĉjo PacHorano (Andrea Fontana) replies:
"Tial, mi kredas, ke Esperanto devas esti ĉiam elekto, neniam devigo."
Nu, ni estu konsciaj - laŭ konkretaj dokumentitaj pruvoj, kiel tiuj donitaj de Robert Phillipson en "Internaciaj lingvoj kaj internaciaj homaj rajtoj" (vidu la notojn) - ke se neŭtrala planita helplingvo (ĉu Esperanto, ĉu alia; tio ne tiel gravas) neniam estos elektita kiel lingvo mondskale devigenda kiel universala studobjekto, do nepre estos elektita kaj devigita nacia lingvo de super-potenco politika, ekonomia kaj milita, cele al plia/plua koloniigo de la mondo fare de tiu potenco...
[???ESPERANTO???]
Farri replies:
Trapasita ekzameno, Esperanto forgesata kaj prifajfata.
Tial, mi insistas je socia disvastigo, je principoj, je idearo.
Anĉjo PacHorano (Andrea Fontana) replies:
Ne, neniel iam ajn estis pruvite tiaĵon.
Por pruvi tion, estus necese ke - minimume - la hungara sistemo estu nepre adoptata de ĉiuj EU-landoj.
Hungaraj studantoj forgesas EOn, ĉar malmultegas la eksterlandajn esperantistojn, por kunbabili kun ili...
Por pruvi ĉu lerneja enkonduko de EO povus vere sukcesi, aŭ fiaski, necesas ke la lingvo estu instruata internacie, tiel kiel hodiaŭ estas instruata la angla...
Nurnure tiele eblos veran komparon, kaj surfaktebazitaj konkludoj.
Imagu universitataj internaciaj programoj kiel "Erasmus" faritaj per la IL... Jen bona testo!
Amike
Anĉjo.
[???ESPERANTO???]
Farri says:
Tiun prilingva kaj porlingva ni jam havas per UEA, per UKoj, IJKoj, naciaj kongresoj, renkontiĝoj ktp.
Multe mankas al ni tiu ideologia. Ĉu ni estas movado por homaj rajtoj? Ĉu ni estas aro da lingvemuloj? Ĉu ni estas homoj lernintaj interlingvon por plezuro? Tie kuŝas la debato.
En Katalunio ni kreis, post du-jara laboro, idearon kaj tiel prezenti nin en la socian movadon kiel movadoj por lingvaj rajtoj, t.e. homaj rajtoj. Ni, tamen, la sola socia movado kiu postulas al simpatiantoj lerni lingvon, tial nia prezentokarto al la socio devas esti kiel eble plej perfekta, senmanka kaj senriproĉa.
Pro tio mi ne ŝatas tiuspecajn kampanjojn.
Mi ĝojas, ke mi sukcesis komprenigi min.
Antonio Simões says:
Onagrino (Dominique)--- (*)pro says:
Przemysław Wierzbowski replies:
Onagrino (Dominique)--- (*)pro says:
Kun 2393 voĉdonoj, Esperanto troviĝas je la 28a loko inter, fakte, 88 proponoj (ne 87 : la lasta estas The Family Union Foundation for Obama kun 66 voĉdonoj) ĉe www.change.org/ideas?page=3
Tamen la Esperanto-propono (nun en paĝo 2 : www.change.org/ideas?page=2 ) regresis de la unua al la dua pozicio en la fako Edukado :
2402 Mobilize Mentors, Tutors, and Citizen Teachers to Help Kids Succeed
2393 Introduce Esperanto as a foreign language subject in schools to help American kids succeed
1627 "The Autism Reform Act of 2009"
La diferenco estas kompreneble ne granda : nur 6 voĉdonoj kiam mi komencis la redaktadon, kaj poste 9, kaj 7 en la nuna momento (7a 45 mn en Francio). Kompreneble, tio ŝanĝiĝas konstante !
Ni povas principe gajni kelkajn lokojn, eble atingi la 25an (?) sed necesus vere vigla mobiliziĝo por atingi la 20an.
Lluís says:
Ĉu vi ne jam metis regulon "Obama" => Rubo en vian retpoŝtilon?. :)
(Mi tuj legos vian artikolon ;)
La Pafklik- Hiphopa kompilo pretas ! http://bit.ly/hhk_vol1 says:
"Jes he can", li povas fari la sama merdon, mi drios plu li ne rajtas fari alian aferon.
Kaj cxu vere esperantistoj kredas ke la interetejo estas uzata kiam li donas tia rezulto:
1a - Rajtigo de kanab-konsumo !
Mi atendas tion kaj liberigo de Mumia Abu-Jamal...