Iper-meeting Praha 2./3.02.2008

Saluton,

certe mi interesiĝas pri renkontiĝo!
Mi aldonas ĉeĥan tradukon, ĉar la renkontiĝo estas okazonta en Ĉeĥio ;-)

[cs]

Moje žena a já budeme v Praze první víkend v únoru a napadlo nás, že bychom se mohli setkat s členy Ipernity. Jestli máte zájem, napište komentář k tomuto článku a domluvíme se na tom, co budem dělat.

Dankegon pro la traduko, nun mi povas inviti pliajn ĉeĥojn.
Mi atendas viajn proponojn pri tio, kion ni faru.

Nu, mi ne scias, kion vi volas fari. Ĉio eblas :) Ni povas promenadi kaj viziti tipajn vidindaĵojn.

Promenadi sonas bone. Pri la tipaj vidindaĵoj mi ne estas tiel certa. Ni supozu ke multajn interesas fari fotaĵojn. Do tipaj vidindaĵoj jes bonas, sed eble estas ankaŭ lokoj en via urbo kie eblas fari interesajn fotojn, kaj kiujn la turistoj kutime ne vizitas?
Aldone mi imagas ke ni povus renkontiĝi en restoracio aŭ trinkejo por interkonatiĝi kaj babili.
Eble iu volus fari prelegon, aŭ praktikan instruadon pri io?

Mi eble pli ĝuus ion pretervolan. Aliflanke, temas pri Ipernity, do iu mallonga neenua instruado estus valore, precipe por komencantoj aŭ eĉ ne-Ipernitanoj, se iuj partoprenos. Pri kiom da partoprenantoj vi jam eksciĝis, Lars? Kiom inter ili estas esperantistoj?

Ĝis nun mi ricevis nur malkonfirmojn. Sed la diskonigo estas ankoraŭ freŝa. Kaj mi certe ĝuus ankaŭ renkontiĝeton kun nur vi, klip, kaj mia edzino. En tia eta rondo eblas ĉion sponte fari.

wir können leider nicht kommen, da schon andere termine! schöne tage in prag!

Mi nepre partoprenos. Malkutimaj lokoj estas pripensinde, iujn mi eble konas. Plej bone viziti ilin nokte aŭ tre frue matene. Bonŝance kaj por mi mirinde nuntempe en Prago turistoj malmultas.

Tre originala propono. Mi estas scivolema pri viaj malkovroj kaj viaj kontaktoj en Prago.
Ĉu vi ŝatos poste raporti pri tiu evento en la Antverpena klubejo ?
Vi proponu mem daton kaj ni volonte akceptos vin !
Multajn salutojn.

Unue ni atendu ĉu entute io raportinda okazos.

Kompreneble se ni renkontos, tiel ni faros bildojn. Oni ne bezonas ion okazi por bildojn :)

Mi loĝas en Prago nur ses aŭ sep jaroj, do mi ne estas bona ĉiĉerono je vidindaĵojn :)

Ni povas geo-kaŝadi, ĉar iuj lokoj estas belaj kaj vizitindaj kaj ili estas ne vizitantaj fare de turistoj. Sed mi ne scias nun, se mi havos GPS-ilon komence de Februaro. Sed mi pensas ke iu havos iun (ĉu vi?).

Ankaŭ kiom da horoj kaj kiuj vi estas en Prago?

Mi havas kaj certe havos GPS-ilon.

Geo-kaŝumado estas interesa propono! Ĝis nun venos de ekster Prago nur mia edzino kaj mi. Ni alvenos en sabato, la 2-a de februaro, antaŭtagmeze, kaj ni foriros en lundo, la 4-a, fruvespere.

Se "nur" renkontos ni kiel fremduloj en Prag, mi volas diri, ke ni jam multfoje estis en Prag kaj vidis multe de la turismaj lokoj, do tien ni ne nepre iru tien. Ni vizitu bonajn ejojn por trinki aŭ drinki bonajn bierojn...

kaj babili kaj ludi...

chrisburn

Saluton, Lars! Mi aligxis al Ipernity pro scivolemo sed ne vere komencis aktivi tie. Tamen mi tre gxoje kaj volonte renkontigxos kun vi kaj la ceteraj Ipernitanoj en Prago dum via cxeesto cxi tie kaj dume ekscios iom pli pri Ipernity. Cxu vi povas malkasxi al ni, kie vi logxos, ke ni povu laux tio proponi konvernan bierejon aux restoracion por la renkontigxo kaj interesan itineron por komuna fotopromeno? Ankaux dependas de viaj interesoj: se vin interesas naturo, malgraux la malkonverna dato (vintro) mi proponus aux Sovagxan Sxaron (kie oni kutimis filmi "westernojn") aux aliajn el multaj pragaj naturaj vidindajxoj (malmujltaj scias, ke krom arkitekturo, Nigra teatro kaj biero Prago estas interesa pro multaj naturprotektitajxoj). Sed se vin pli logas cxarmaj mallargxaj stratetoj flanke der la cxefaj turismaj itineroj, ankaux tiaj promenoj eblas, ecx en rekta najbareco de praga kastelo kaj simile. Ankaux bv. sciigi al ni, kiom da tempo kaj kiam plej volonte vi volas kunesti kun ni, ke ni povu pli bone plani kaj plu trafe proponi iun programon.
Mi eagas nur nun, cxar gxis nun mi ne sciis, cxu dum tiu semajnfino ne devos foresti. Amikajn salutojn al vi sendas Petro

Bonege, mi ĝojas ke ni renkontos ankaŭ vin, kaj pri via intenco pli aktivi en ĉi tiu bona TTTejo.
Ni loĝos ĉe familio Pištíkova/Mišurec apud Letenské Sady. Sed Prago havas tiel bonan publikan trafiksistemon ke ni facile povas veni ĉien ajn en la urbo.
Via propono de naturaj vidindaĵoj sonas tre interese, eble ni povas kombini tion kun geokaŝumado (klip, Jan)?
Pri 'Sovaĝa Ŝaro' mi havas nenian imagon.
Ĉarmaj mallarĝaj stratoj ĉiam logas nin, sed ni estis jam kelkfoje en Prago kaj vagadis abunde tra ili, do mi sentas ke venis tempo por io alia.
Pri la tempo ni estas tute liberaj. Bonvolu la aliaj skribi ion pri siaj tempaj preferoj.
Amike, Lars

Ĉu ne proksimiĝas taŭga tempo por prepari pli detale programon de la renkontiĝo? Almenaŭ la loko kaj tempo de unua renkontiĝo post via alveno en Pragon (ne temas necese pri la "oficiala") sciindas. Morgaŭ mi veturos en Brnon ĉar mi helpetos al Marek prepari priesperantan filmeton por Ĉeĥa televido (sed mi klopodos ne aperiĝi surekrane;) kaj revenos ĵaŭde.

Vi pravas. Mi tuj skribos al niaj gastigantoj kaj poste sciigos ĉi tie ilian opinion.

Mi ne sukcesis telefone fiksi lokon en tiu ĉi restauracio, sed sukcesis pri alian kiu eĉ kuiras propran naturan nefiltritan bieron. La loko estas nefumanta.
www.gastroinfo.cz/pivodum
Je 15:00 h, por 8 personoj. Eble eĉ venos mia fratino Eva kaj ŝia amiko Gustavo, sed tio ne estas certa, do mi ne agis pri tio...

Bone, mi viŝas mian antaŭan mesaĝon pri la alia gastejo, kaj antaŭĝojas pri bona biero post malpli ol 24 horoj!

iper meeting in Prague?
What a beautiful place!!
....someday, I will be there ;-)

btw...it is possible to join it for someone who only speaks in English?

We hoped that some would show up who speak English. But we could all get by with Esperanto. You are very welcome next time.

kaj chu okazis iper-renkontigho? chu vi, au alia faris bildojn?

Jes, kaj la ligilojn al la unuaj bildoj mi enmetis tute supre.

Oni povas tre bone manĝi en Prago, mi rekomendas "Knedliĉki " aŭ aliaj farunbuletojn kaj kompreneble ĉeĥan bieron :-) Mi estis en Prago dufoje sed bedauxrinde nur po unu tago do mi esperas reveni tien por pli longe :-) Bonegan vojaĝon kaj agrablan renkontiĝon mi deziras al vi!

Dankon pro la konsiloj kaj bondeziroj. Fakte la renkontiĝo jam okazis. Sed ni povus ja ripeti ĝin. Ĉu vi venus?

hehe, fakte - jam ;-) Ho! Tre volonte mi partoprenus se vi ripetus :-)

Ĉu eĉ en Prago, aŭ ni havu renkontiĝon en Pollando?

:-) Povas esti en Pollando, eble dum Arkones en mia urbo-Poznań ? Ĉu vi iam pertoprenis? www.arkones.republika.pl/index_espo.htm

Ĝis nun ne, sed mi ja ŝatus. Ŝajne la paĝo ĉi jara estas www.arkones.org
Mi jes konsideros partopreni.