Estos eksponataj dek miloj da fremdlandaj objektoj

La 12an de februaro okazis la centa prelego de Muzeo de la Imperiestra Palaco. Shan Jixiang, direktoro de la muzeo, diris, ke la malfermita areo estos pligrandigita, kaj tri novaj pavilonoj, nome ekspoziciejo de fremdlandaj objektoj, muzeo de arkeologiaj ejoj kaj ekspoziciejo de mebloj el la dinastioj Ming kaj Qing, estos konstruitaj.


Post vakigo de la oficejoj de la sekcio pri kultura protektado kaj tekniko en Yanxi-halo, dek miloj da fremdlandaj objektoj estos eksponataj tie. Krome, estis arkeologiaj malkovroj sub la tero dum konstruado por la domo de arkeologia instituto. Ekzemple la malsupra tavolo de la palaco en la periodo de la imperiestro Yongle de la dinastio Ming estis malkovrita en la ruinoj de la orienta korto de Cining-halo. Pro tio la muzeo decidis konstrui muzeon de arkeologiaj ejoj por ke vizitantoj proksime rigardu la ruinojn kaj malkovritajn objektojn.

750 laborantoj translokos siajn oficejojn el la muzeo

Shan diris ankaŭ, ke la muzeo konservas pli ol 6 000 meblojn el la dinastioj Ming kaj Qing, interalie pli ol 80% estas neniam eksponitaj. La korto Nansansuo kiel la plej granda tenejo de la muzeo estas riparata, kaj tie estos eksponataj pli ol 2 400 mebloj el la dinastioj Ming kaj Qing.

Shan diris, ke en la venontaj kvar jaroj la malfermita areo de la muzeo atingos 85,2%, kaj 750 laborantoj, duono el ĝia funkciularo, translokos siajn oficejojn el la muzeo.

www.espero.com.cn/2017-02/14/content_40284175.htm