La 6an de februaro la usona Konsumantaraj Novaĵoj kaj Komerca Kanalo raportis, ke la donitaĵoj el la Internacia Donitaĵa Korporacio (IDK) montris, ke la merkata porcio kaj vendokvanto de la usona firmao Apple en Ĉinio unuafoje falis en 2016, je 23,2% kompare kun la antaŭa jaro.

Laŭ la plej freŝa raporto, en 2016 la saĝpoŝtelefona merkato en Ĉinio kreskis je 8,7%, kaj la plej multe aĉetitaj markoj estas OPPO, Huawei, VIVO, Apple kaj MI.

La vendokvanto de Apple falis de 58,4 milionoj en 2015 ĝis 44,9 milionoj en 2016. Laŭ la plej novaj sezon-donitaĵoj el IDK, la merkata porcio de Apple malkreskis je 4% ĝis 9,6%.

Samtempe rapide kreskis la merkataj porcioj de ĉinaj markoj, ekzemple OPPO, Huawei kaj VIVO. Interalie OPPO kreskis plej rapide kaj havis plej grandan vendokvanton en 2016.

La raporto montris, ke atendo de multaj konsumantoj pri la plej nova versio de iPhone kontribuis por la malkresko de la merkata porcio de Apple en 2016. La raporto antaŭvidis, ke okaze de la deka datreveno de iPhone, multaj ĉinaj Androjd-uzantoj sin turnos al iPhone.

www.espero.com.cn/2017-02/08/content_40246815.htm