neniammilitointerni.over-blog.com/2014/07/israelo-palestino-kontrau-la-milito-solidareco.html

Foto : Manifestacio en Haifa : « Judoj kaj araboj rifuzas malamikiĝi »

http://neniammilitointerni.over-blog.com/2014/07/krizo-en-gaza-sektoro.html

Fronte al nekapablo de la israelaj kaj palestinaj aŭtoritatoj kompromisi por ĉesigi la batalojn, iniciatoj de civiluloj montras ke solidareco inter ambaŭ popoloj eblas.
Solidareco meze de kaoso. Dum la espero pri batalhaltigo fiaskas, pluraj atestoj pruvas ke dialogo ne estas rompita inter israelaj kaj palestinaj civiluloj.
Dividi la funebraĵon
La onklo de Naftali Fraenkel, unu el la tri israelanoj murditaj en Cisjordanio, tiel interparolis kun la patro de Mohammad Abou Khdejr. Tiu lasta, 16-jaraĝa, esti forkaptita kaj murdita fare de judaj ekstremistoj por venĝi la morton de junaj israelanoj.
Jiŝaj Fraenkel ŝajne esprimis sian « profundan kunsentemon kun lia doloro, de funebra familio al alia funebra familio ». Li ankaŭ asertis ke « diferenco ne ekzistas inter tiuj, kiuj mortigis Mohammad kaj tiuj, kiuj mortigis niajn infanojn ». Unuj kaj la aliaj estas murdistoj. Kaj ili devas esti konsiderataj tiel, laŭ la leĝo ». Samtempe, du Palestinanoj en la ĉirkaŭaĵo de Hebrono iris ĉe la membroj de la familio Fraenkel por subteni ilin.

Ĉesigi la faston kunkune
Por kunkune manifesti sian subtenon al la familioj de la kvar murditaj adoleskantoj, judaj kaj palestinaj aktivuloj de la regiono Guŝh Etzion decidis rompi la faston mardon, kiel raportas Times of Israel.
Por la juda komunumo, la 15an de julio koincidas ĉi-jare al la 17 tamuz, kiu memorfestas la tagon kiam la Jerusalema murego estis traborita, antaŭ la detruo de la dua Sankta Templo en la jaro 70. Por la islamanoj, temas pri la 18a tago de Ramadano.
Laŭ la retpaĝaro Times of Israel, pluraj dekoj da personoj kolektiĝis ĉe eknoktiĝo en la eks-farmbieno de Abu Awwad, la palestina iniciatinto de la evento, nomita « Choose Life, The Joint Fast ».
La partoprenantoj dividis pladojn kun « kokido, rizo kaj salato » kaj festenis la fasto-finon je ritmo de « kanzonoj en la hebrea kaj araba »
Aliaj samspeciaj kolektiĝoj okazis en la tuta mondo, nome en Usono, en la urboj Otavo kaj en Filadelfio aŭ Evastono, en Ilinojso.

www.youtube.com/watch

Amikinoj ambaŭflanke de Gazao
Renkontitaj de Washington Post, Roni Kejdar kaj Maha Mehanna siaflanke amikiĝas de tri jaroj. Aĝa je 70 jaroj, la unua loĝas en vilaĝo sude de Israelo, dum la dua, 30 jarojn pli juna, loĝas 800 metrojn pli malproksime, en la antaŭurbo de Gazao.
Ĉar ili ne povas interviziti unu la alian – la landlimoj estas fermitaj de la komenco de la alfrontiĝoj -, ambaŭ amikinoj sendas sin reciproke mesaĝojn per telefono, ĉefe kiam la bombadoj estas pli intensaj.
« Fartu bone. Kisoj », tiel skribas Roni Kejdar al sia amikino kiu loĝas aliflanke de la muro. Maha Mehanna respondas al ŝi : « Mi preĝas kaj ploras plejparte de la tempo. Mi ne vidas finon al tiu frenezaĵo. Fartu bone kaj restu ŝirme »
Animata de ĉiama optimismo, Roni Kejdar esperas renkonti iam sian amikinon en Gazao, por ekkoni ŝian familion. « Mi scias ke iam, tio eblos, asertas la israelanino al Washington Post. Sed, ĝis tiam, kial tiom da sufero kaj malĝojo ? »

http://www.lexpress.fr/actualite/monde/proche-moyen-orient/israel-palestine-contre-la-guerre-la-solidarite_1560142.html