Tertremo kiu(/n) ni(/n) atendas ...

Kiam tiuj katastrofoj okazas, oni devas vere sin demandi, kiom ni kulpas...chu oni antauvidis chiujn taugajn rimedojn por eviti au por limigi la sekvojn? Chu oni konstruis en taugaj lokoj, kie tertremoj malfacile povas okazi, au oni tute ne konsideris la problemon? Chu oni konstruis taugajn kaj rezistokapablajn domojn? Chu oni antauvidis rapidegan kaj taugan savosistemon en okazo de tertremo? Lau mi tro ofte oni tute preteratentas chi bazajn konsiderojn, kaj poste oni ploras "krokodilajn larmojn"...

Kial konstrui atomcentralojn au akvobarilojn en dangheraj lokoj, kie tertremo-riskoj estas tre altaj? Kie estas la autoritatoj, kiuj devas ekzameni akurate la kvaliton de la konstruajhoj, chefe en tre riskoplenaj regionoj? Tio, kio okazas nuntempe en Chinio (sed kio okazis ankau en aliaj periodoj che ni, en Italio au en Irano ktp) evidentigas, ke la plejparto de la domoj tuj falis sen iu ajn rezisto, tial ke ili estas konstruitaj ne lau la reguloj, kaj ke ili tute ne estis kontrautertremaj. Mi vere ploras, pro la malboneco de niaj politikistoj, kiuj retorike kapablas nur blufe pligrandigi la grandan bonon faritan al la shtatoj, kiam male, kiel en chi tiuj okazoj, ili tute preteratentis la verajn bezonojn de la homoj.

Mi opinias, ke chi tiu grandega kaj peniga tertremo en Chinio prilumas ankorau foje la falsecon de la retoriko de politiko: la tofu-domoj estis terure forbalaitaj de la tertremo. Ni ploru por la mortintoj kaj la viktimoj, helpu chiumaniere la survivantojn, sed kulpigu kaj enkarcerigu tiujn, kiuj nenion faris por eviti chi tiujn katastrofojn...Tio ne rilatas nur Chinion, sed chiujn landojn de la mondo: oni ne forgesu la monstran inundon en suda Usono, la tertremojn en Japanio, la inundojn, tertremojn kaj eruptojn en Italio, la tertremojn en Turkujo au en Suda Ameriko au Irano ktp ktp ktp.

Dankon pro via komento en kiu prave vi priskribis kelkajn kialojn. Katastrofo estas en tio ke oni tuj forgesas kaj pro mallongtempa profito preferas ne plu pripensi longtempan ...

La Tero estas la plej forta ...

Relative ... jes!