Kaj finfine persepolo!

malfelicxe mi ne povos spekti. Kelkaj iranaj filmoj spekteblas en Francio, sed nur en "kinejoj pri arto kaj eseo", tiel mi vidis "Tra la olivarboj", "la vento forportios nin", "la instruisto", "vojagxo al Kandaharo", "la kvara horo posttagmeze". Sed nun mi ne plu povos, la altkvalita kinejo de mia urbo, kiu povis funkcii nur kun helpe de subvencioj devis fermi: oni forigis la subvencioj, sxajne la loko estis tro maldekstrema, kaj ne placxis. Fino de kulturo en Arras !

Ĉiu fino havas komencon tamen eble ne laŭ kutiman
Mi spektis DoVoDo version de la filmo

Kara Reza,
mia filo ĵus donacis ĝin al mi. Ĝi estas animita filmo - nigre-blanka - kaj ĝi estis kandidato de Francio por la ĉijara Oskar-o. Bedaŭrinde ĝi ne gajnis ĝin kvankam ĝi estas valorega. Ĉiu kiu povas, nepre spektu ĝin.
Al kuraĝa Reza mian plej amikan manpremon. Kreŝo

Dankon pro via rekomendo "Ĉiu kiu povas, nepre spektu ĝin" !

Mi gratulas vin, ke vi sukcesis spekti tiun filmon!

Mi povas bonege kompreni kiel vi sentas; mi tre facile empatias vin. Tial mi skribis tiun artikoleton en mia ipernito-blogo en formo de letero al vi kaj al ceteraj irananoj ĉi tie.

Kaj imagu kiom rapide transiris la filmo al irano malgraŭ ŝtata malpermeso!

Mi spektis Pesepolison du fojojn. Laŭ mi ĝi estas majstroverko. La komenco de la filmo memorigas la anĝelecon de Forrest Gump. La ritmo estas glata kaj modera de la komenco ĝis la fino. Ĉio estas ĝusta en la filmo kaj nenio hiperbolo vidiĝas en ĝi. Tiu filmo ĝuste kaj precize spegulas nian vivon kaj oni povas diri ke ĝi iom kompensas nian dignon ĉe la alilandaj popoloj. Iuj dum ĉ. 30 jaroj penis ege malhonorigi la irananojn, mondskale.
Estas ege bone ke ĉiu iranano ĉiamaniere registri sian memoraĵon por ke la homaro morgaŭ konu kiel ni trapasis tiun nigran koŝmaron.
En la fino mi dankas al Marjan Satrapi kaj al vi ke kaŭzis urĝon por vidi tiun belegan filmon.
Marjan Satrapi

Dankon kara Mahmud pro la komento sed al mi restas demando: ĉu laŭ vi nia komuna koŝmaro jam finiĝis? Persone mi sentas min daŭre en la komŝmarego ...

Nu kara Reza! vi ne tre atenteme legis la frazon "por ke la homaro, morgaŭ konu kiel ni trapasis tiun nigran koŝmaron.". Vidu la epitetan nuancon en la frazo t.e. ni nepre saviĝos el la tiel nomata koŝmaro.
Ankaŭ la supra bildo estas tiu densa nigra koŝmaro, kiun ni trapasas.

Kara mi elkore dankas vin pro la filmo kiun vi donis al mi, mi ankaux volas poste ion skribi pri gxi kaj mia sento vidinte gxin :-)

Nedankinde :)

Mi vere admiras vin ĉiuj por via ega kuragxo!!!! Tutkore mi deziras al vi pli belan kaj feliĉan vivon! :-)

kuraĝo?
Laŭ mi postuli sian minimuman civitanan rajton ne estas kuraĝo. Ni postulas nian ŝtelitan vivrajton ...

Saluton. Mi ĝojas ke vi jam povis rigardi la filmon en Irano. Ĉu vi akiris la dvdon per nigra merkato? Kiel vi (ne ĉiuj) scias, mi ektradukis la komikson sur kiu la filmo baziĝas sed mi ne eĉ finis la unuan albumon. La tuta komikso konsistas el kvar albumoj. Tiu estas pli-malpli la sama historio, sed kun pli da detaloj kaj dividita je scenoj el nur kelkaj paĝoj. Cetere, laŭ mi, la edzon ŝi ne priskribis same.
Roland, se vi ankoraŭ estas tie, Persepolis estas franca filmo (kvankam direktorino, skripto kaj historio estas iranaj), do tre eblas spekti ĝin en Francio.

La libron mi ne vidis kaj kompreneble ne eblas al mi pridiskuti tiu rilate. Sed jes ja dank al "nigra merkato" oni povas atingis malpermesajhon de la fanatikistoj :)