Freŝa Aero هوای تازه

9 personoj NUN en irano atendas ŝtonmortigadon!
Dum pasintaj jaroj nur Talibanoj en Afganio estis kvereloj de iranaj regantoj kaj nun sen rivalo ili estas unuaj en la mondo (jes barbareco foje povas esti "honoro" inter barbaroj kompreneble).
Ŝtonada puno sen ajna dubo estas fipuno.
Irana karikaturisto - Nik Ahang Koŭsar - (نيک آهنگ کوثر) faris interesan karikaturon pri la afero.

ŝtonado en irano

Irana feminisma movado estas la plej forta civila movado. Jen filmeto rilate la surstrata manifestacio en kiu la virinoj kuraĝe esprimas siajn protestojn kontraŭ diskriminacio de islama registaro.

Antaŭ 20 jaroj mi estis soldato kaj 24 monatojn militservis en la milita fronto ...
Mirakle mi travivis kaj sane finis la militservan periodon. 8 jara sen cela kaj freneza milito (ĉu ekzistas ne freneza milito?!) je la servo de potenculoj en kiu je la fino NUR perdis ĉion irana kaj iraka popolo ...
En legio kie mi servadis de 240 personoj nur restis 16 personoj inter ili ankaŭ mi, la aliaj aŭ estis mortigitaj aŭ militkaptitaj aŭ pereitaj dum la lastaj tagoj de la milito. Finfine oni kapitulacis kaj akceptis fini la plej longan militon en la 20a jarcento ...

militservo 1

Mi, kiel soldato antaŭ 20 jaroj ...

PS:

Militservado en Irano estas deviga kaj oni ne havas alian elekton tio signifas ke mi ne volontulis sed pasigis mian devigan taskon ...

En la monopola televido de la islama respubliko, ĉiu tage oni elsendas "intervjuojn" en kiuj "estimataj samlandanoj" spegulas siajn "opiniojn".
Ĉiuj scias ke ili estas teatraĵoj abomenaj kaj senhontaj kaj fakte tute ne rimarkindaj ... por amuzo mi trovis jenan "intervjuo"n en kiu la ĵurnalisto instruas al la intervjuito kion kaj kiel devas esprimi ...
(la afero povas esti amuza por tiuj kiuj komprenas la persan)

La 8a julio de 1999 frumatene sekura armeo de islama respubliko irana svarmis al la studenta dormejo de la Tehrana universitato kaj fortege batadis la studentaron pro tio ke ili pasintnokte protestis al la ĉesigo de la reformema tagĵurnalo "SALAM"(Saluton). Oni batis blinde forte ĉiujn kaj tiel komenciĝis ribelo studenta kontraŭ la registaro. Eĉ multaj opinias ke la sekreta sekura armeo intence faris tiun krizon por devojigi la reformemon kiu paceme jam levis profundajn emojn por bazaj reformoj en la socio.
...

Multaj studentoj estis prijuĝitaj kaj kulpitaj por longa prizono.
kelkaj kulpitaj mortpune kiel Ahmad Batebi nur pro la suba foto sed post jaroj oni "rabatis" kaj finfine li eskapis de irano kaj nun vivas en Usono.

Ahmad Batebi

studenta dormejo

Tehrana universitato

Mia frato antaŭ du semajnoj donacis al mi DVD-kopiojn de la filmserio "perdita"(lost). Sen ajna antaŭa scio mi komencis spekti la filmserion kaj nun post 9 tagoj mi estas konvinkita ke la serio estas tre plaĉa kaj ne preterpasebla!
Ĉu iu jam spektis ĝin? kion vi opinias pri la filmserio?

Mi nun jam finis la 2an periodon de la filmserio(tio signifas ke mi jam spektis 46 partojn el 96 partoj!)

La novaĵo estas simpla:
Mohammad Sedig Kabudvand(محمد صدیق کبودوند) antaŭ kelkaj tagoj estis kulpita pro tio ke li fondis "organizaĵo de Homaj Rajtoj en Kurdistano".

Ps:
- Tiel estas la aferoj en Irano
- Perfortantoj liberas kaj aktivuloj pri homaj rajtoj malliberas ...

la novaĵo fonto

Ekde antaŭ hieraŭ en Zanĝan Universitato estas manifestacio pro seksperforto de la vicestro de la universitato. La studentaro forte pritestas pri la afero sed la sperto en islama respubliko pruvas ke ili vane protestas!
Eble vi jam legis mian antaŭan noton pri simila afero de la Tehrana policestro, nu nun li estas libera kaj fiere daŭrigas sian vivon sen ajna ĝeno!
Kio estas la kialo kaj kial neniu malnoblulo demisias en la sistemo? La respondo estas tre simpla: ĉar malnoblaro regas kaj ili ĉiuj subtenas unu la alian. Ĉiuj reagantoj estas filtritaj kaj nur intimuloj kaj "aprobitaj" personoj rajtas akiri ŝtatajn postenoj kaj ĉar la registaro estas diokrata kaj memkompreneble "sankta", do ĉiuj funkciuloj estas "sanktaj".
Putrado jam fluas en ĉiuj medioj de Irana diokratio kaj la ekzemploj por pruvi tion ne mankas ...

Vidu la koncernan uverturan filmon pri la universitat vicestro kiu premis studentinon por seksa interrilato kaj ŝi helpe de siaj gekolegoj malsukcesigis la vicestron!

Dum la 5 taga feriado en Irano multaj homoj vojaĝis al la nordo de la lando. Jen filmeto kiel oni ĝuis la feriadon!

vidu

kaj jen foto kiel aspektis la ŝoseoj de la nordo:

shoseo

La oficiala(cenzurita)kresko de la inflacio estas pli ol 30 procento! sed la vera estas multe pli ol la jam anoncita de la centra islama respublika irana banko. Dume la salajroj nur altiĝis je 8 procento!
Ekde antaŭ monato eĉ en Tehrano po horoj ĉesiĝas la elektro ...
La prezo de apartamentoj dum 2 jaroj pli ol 300 procentoj kreskis!
Ĉu milito jam komenciĝis?
Fakte jes, sen ajna bruo jam estas milito en irano, ne milito kun Usono sed milito por vivteni kontraŭ la infalcio kiu ĉiu tage pli kaj pli fortiĝas ...

En Tehrano dum 4 monatoj 100000 aŭtoj estis punitaj pro forĵetado de balaaĵo. Tion raportas la estro de la komisiono pri la urba konsilio de Tehrano. Estas hontinda afero sed fakto ke irananoj ofte ĵetas balaaĵon surstrate kaj la polico nun decidis iel limigi la aferon punante la ne observantojn.

PS:
Se dum 4 monatoj 100000 personoj estis punitaj imagu kiom da homoj estis ne observantoj kiuj eskapis de la puno!

Ekde morgaŭ por 5 tagoj oni ferios en Irano!
Ne estas io nacia festado (tamen io miksita afero) :
La 3a de junio estas forpastago de Ĥomeini.
La 4an de junio estas funebra tago por islama registaro.
La 4a de junio estas ĵaŭdo kaj oni ne ĉeestos en siaj oficejoj.
La 5a de junio estas vendredo kaj semajna feria tago!
La 7a estas forpastago de la filino de la islama profeto Mohammedo(Db).
Do 5 tagojn oni vole ne vole ferios. Ni profitos la okazon kaj vojaĝos al la okcidento de la lando :)
La feriaj tagoj estas tro en irano kaj ofte oni ne scias kion fari dum tiuj tempoj!

Do, ĝis dimanĉo!

Laŭ la informo de pri Korana novaĵagentejo "IKNA", pli ol 70 procento da Irananoj ne scipovas legi Koranon. Menciindas ke oni ekde bazlernejo devige kiel studobjekto lernas la Korano ĝis supera grado en la universitatoj.

PS:

E-lingva versio de La Nobla Korano estas surrete legebla:

www.lernado.it/kurano/indekso.htm

Estis internacia konkurso inter la soldatoj de Usono, Rusio kaj Irano, kiom rapide ĉasi leporon.
Oni dividas ĝangalon je tri pecoj kaj en ĉiu peco lasas blankan leporon. La konkurso komenciĝas.
Usonanoj helpe de satelit-teknologio post kelkaj horoj kaptas la leporon.
Rusoj per siaj tankoj "tranĉas" la ĝangalon kaj post unu semajno, dezertigante la ĝangalon kaptas la leporon.
Sed Irananoj ... pasas semajno, semajnoj kaj fine post unu monato ili aperas kun nigra ursego.
La nigra ursego al la publiko diras: "Mi estas blanka leporo, mia patro estis blanka leporo, mia praavo estis blanka leporo ...".

Oni demandas de Usonano:
  Kio estas via opinio pri la problemo de manĝaĵo?
- kion signifas "problemo"?

Oni demandas de Afrikano:
  Kio estas via opinio pri la problemo de manĝaĵo?
- kion signifas "manĝaĵo"?

Oni demandas de Iranano:
Kio estas via opinio pri la problemo de manĝaĵo?
- kio estas "opinio"?

DoDoDo klubo!
Hodiaŭ mi vidis reklamon pri DoDoDo klubo en Tehrano kiu eble kiel mi interesos vin!
DoDoDo klubo estas:
"klubo de Frenezuloj de Du Dameŝkaj Damoj" (هيات ديوانگان دو بانوي دمشق).

DSC00065

En Ĉinio okazis suferiga tertremo kiu dolorigas ĉies animon ... Ankoraŭ la homo estas tre malforta kontraŭ naturaj fenomenoj sed ne tro malforta. La okazinat katastrofo rememorigis min pri la tertremo kiu atendas Tehranon aŭ alidire Tehrano atendas ĝin! La fakuloj alarmas se okazos tertremo en Tehrano (kiun de antaŭ 50 jaroj oni atendas) almenaŭ 1/000/000 da homoj pereos ... . La registaro ankoraŭ ne sukcesis fari bazajn agadojn en tiu sfero.

Korajn dankojn al ĉiuj geamikoj kiuj publike aŭ private sendis al mi mesaĝojn okaze Novruz-festo. Ne agrablan novjaran feston mia familio ĉi jare havis, ĉar antaŭ monato hazarde forpasis mia bofrato (la edzo de la fratino de mia edzino kun kiu mi estis en amikaj riltoj) kaj la tuta familio estis funebra. Tamen Novruzo estas Novruzo kaj ne eblas preterpasi ĝin. Mi skribis noton sed mi evitis publikigi ĝin ĉar estis iom ne malagrabla, eble sub influo de la okazintaĵo, do mi preferis silenti ... Ankoraŭ ni estas dum la novjara feriado kaj ekde la 5-an de aprilo espereble ĉio estos enordo!