La Esperanto de komputiloj

"Linukso - la Esperanto de komputiloj

Windows-uzantoj: Ĉu vi scias pri Linux -- Esperante Linukso? Linukso estas alia operaciumo - tio estas, ĝi funkciigas la komputilon, plene anstataŭigante Windows (Vindozon Esperante). Kiom multe ĝi kostas? Nenion. Linukso estas tute senpaga. Sed, kion vi diras -- La penso pri anstataŭigi Vindozon timigas vin? Bone! Vi ne devas. Miraklo ekzistas. Linukso povas regi vian komputilon rekte de lumdisko. Jes! Vi enmetas la KD-on, reŝargas la komputilon, kaj Linukso komencas kontroli la aparataron, ŝargi taŭgajn pelilojn, ktp, ktp. Fine, vi rigardas belan labortablon kiu eble montras vian Vindozan diskon en dosierujon kiun vi povas foliumi. Sed atendu! Ne ekzistas nur unu labortablon. Vi havas plurajn virtualajn labortablojn en Linukso.

Pri tio: Serĉu etajn skatolojn en via taskostrio kaj alklaku la apartajn skatolojn. Se vi havas malfermitan aplikaĵon en la unua labortablo kaj alklakas la apudan skatolon, vi iras al alia virtuala labortablo kiu ne enhavas tiun aplikaĵon.

Kiam vi finas la linuksan seancon, nur malŝaltu vian komputilon (memoru pri demeti la lumdiskon). Nenio en via komputilo estis ŝanĝita. Vindozo ankoraŭ estas tie. Nun ke vi vidis Linukson, kial ĝi estas nomata la Esperanto de komputiloj? Ne ĉar ĝi estas senpaga, kvankam tio estas kialo festi! Ne -- estas pro la alia libereco. Linukso estas malfermkoda. Ĉiu persono en la mondo rajtas legi la kodon. Ne nur legi - ĉiu ajn rajtas ŝanĝi la kodon laŭbezone. La kodo apartenas al neniu. La kodo apartenas al ĉiu. Linukso apartenas al vi -- ĉu vi volas uzi unu lumdiskon por instali Linukson en 100 komputilojn? Ĉu 1000 komputilojn? Ek al!

Neniu havas pli da rajtoj ol alia; neniu ĝuas avantaĝon super alia. Linukso egaligas ĉiun komputilan uzanton. Kaj kiam vi instalas Linukson vi ĝuas bonegan flankefikon. Vi nun estas la posedanto de via propra komputilo. Antaŭe ĝi estis la posedaĵo de Mikrosofto kaj tio kion ĝi faris vere estis mistero al vi - vi ne rajtis legi la kodon, vi ne havis ideon pri tio kion via komputilo faris.

Utilaj faktoj:

Por

1. Linukso estas pli stabila kaj utiligas malnovajn komputilojn bele.

2. Vi povas dividi vian fiksitan diskon kaj instali Linukson en apartan subdiskon. Alivorte, vi povas havi ambaŭ.

3. La programistoj kiuj laboras pri Linukso laboras pro amo, kaj verŝajne tio kaŭzas sindonan, senĉesan laboron. Linuksaj distribuoj estas ĝisdatigitaj tre ofte.

4. Kiam vi elektas kaj instalas linuksan distribuon, vi ankaŭ ricevas veran amason de liberaj programoj kune kun la operaciumo: tekstredaktiloj, retumiloj, muziklegiloj, k.s.

Kontraŭ

1. Iuj produktintoj de presiloj, sonkartoj, ktp, ne produktas pelilojn kiuj funkcias en Linukso. Do eble via presilo ne funkcius.

2. Se vi ludas videajn ludojn, restu kun Vindozo por tio. Linukso ne havas bonegajn ludojn.

3. Se vi laboras pri filmoj, mi aŭdas ke Vindozo kaj Mac OSX havas pli bonajn programojn por tio.

Du ekzemploj:

Pri PcLinuxOS

Pri Ubuntu

Multaj distribuoj:

DistroWatch