This form is secure
Send a message
Search for members
This post is public
Mi estas meze de profunda pensado pri Esperanto. Ummmm, eble nur la komencaj, supraĵaj pensoj.
Mi ne scias kial mi volas afiŝi miajn unuajn pensojn. Ili estas konfuza ĥaoso.
Kiam mi komencis lerni Esperanton antaŭ 3 jaroj, la flago mallogis min. "Ĉu nacieca?" mi pensis. Mi tuj komprenis ke Esperanto estus bonega ilo por plenumi la promeson de la interreto. Ĉiu persono povus paroli libere kun aliaj personoj tutmonde; la lingva baro jam ne gravus. Mi neatentis la fakton ke Esperanto ja estas lingvo, kaj lingvo estas ligita al kulturo, al popola identeco. Rilate al Esperanto, unue la lingvo, poste la kulturo naskiĝis.
Mi certe ne komprenis la profundecon de emocioj kiu ekzistas en la Esperanta movado, aŭ la sintenon kiu kondukus onin uzi Flagon de Esperanto, kvazaŭ oni ligis sin al nova nacio. Kaj pri tiu termino 'movado'! Kiam oni parolas pri la 'movado', oni parolas pri idealo, ĉu ne? Ĉu La Interna Ideo? Ĉu la filozofio de homaranismo? Temas pri pli multe ol ilo, mi scias tion.
Do, mi komprenas nun ke Esperanto ne nur estas ilo al multaj personoj. Mi brakumas la kulturon. Mi ne estas certa ke mi brakumas la movadon. Jes, mi kredas ke ĉiuj estas egalaj. Mi neniam dum mia tuta vivo kredis ke unu gento estis pli supera. Jes, mi kredas ke lingvoj de la mondo meritas esti protektitaj. La lingvo de popolo estas fenestro en la menson, en la manieron de pensado de tiu homgrupo, kaj la lernado de novaj ideoj povas riĉigi nin kaj nian propran socion. Mi aŭdas pri la klikoj ene de la Movado. La intrigo, la atakoj. Jes jes, tio estas homa naturo. Eble temas pri mono, pri rekono, kiu estos la plej fama! Tio okazas kiam oni formas klubojn, grupojn.
Tamen, mi aŭdas pri la kabeoj de aliaj. Tiu kaj tiu persono kabeis de la Movado. Oni ne kabeas de ilo. Oni ne kabeas de klubo. Oni forlasas. Oni 'kabeas' de Esperanto. Kaj oni povas formi klikojn bazitaj sur malsamaj kredoj, ne simple bazitaj sur la personeco de elstara individuo, aŭ la deziro regi la monon de la grupo. Ŝajne, en la Esperanta movado, ja ekzistas klikoj bazitaj sur malsamaj kredoj. Mi volas legi plu pri tio. Hodiaŭ, miaj pensoj: "Mi ne volas fariĝi fanatikulo kiu apartenas al preskaŭ religia movado. Mi bone scias ke mi neniam kabeos de la ilo de Esperanto. Eble mi daŭros konsideri Esperanton ilo, kaj mi ankaŭ ĝuos la kulturon."
Referencoj: www.ipernity.com/blog/28101/42436
kaj artikolo en Esencoj memorigis min pri mia reago al la flago
Mondocivitano says:
Reza says:
Esperanto estas interesa afero kaj mi abomenas ajnan ideologian koncepton ...
Ofte ni mem kreas problemojn al ni ol la aliajn por ni!
Reza edited this comment 5 months ago.
Ardo says:
tre grava problemo ekzistas en nia Movado,al kiu mankas la plej grava ligilo,kio?ni devas esplori tion ...
Cindy Mckee pro says:
Mia nova legado: www.ipernity.com/blog/32858
la blogo de Zlatko Tišljar (mi nun komenciĝas)
Roberto Tresoldi says:
Cindy Mckee pro says:
Roberto Tresoldi says:
Jacek says:
Amike- Jacek
Cindy Mckee pro replies:
Kaj mi pensas pri la Raŭmistoj. Mi pensas pri la uzo de Esperanto kiel ilo; kaj ĉu tiu sinteno kaŭzus iompostioman malaperon de la amikeca vidpunkto aŭ ne. Nuntempe personoj kiuj laŭvole lernas Esperanton ja lernas por la kialoj en via artikolo; sed estonte; se (kiam) Esperanto fariĝas vastuzata, ĉu ankoraŭ ekzistos tiu sinteno? Mi klopodos imagi tian estontan mondon.
Mi modifis mian komenton; ŝanĝis 'vastuzita' al 'vastuzata'.
Cindy Mckee edited this comment 5 months ago.
Jacek replies:
Tamen, duaflanke, etoso de amikeco kiun portas la lingvo Esperanto helpas al homoj (lernantoj) rekoni la lingvon kiel ian pozitivan aferon. Homo, kiu malsxatas la politikon de Usono aux Granda-britujo li ofte malvolonte rigardas la anglan lingvon. Do, homoj pli volonte akceptos lingvon, kiu ne portas kun si politikan aux kulturan imperiismon.
En Hungario lernantoj de mezlernejoj aux studentoj povas elekti cxu lerni unu el "mondlingvoj" cxu Esperanton. Estus bona afero enketi lernantojn, kio instigas ilin elekti esperanton- malgraux malgranda praktika uzo de la lingvo. Cxu temas pri alloga 'interna ideo", cxu temas pri...mallaboremo:)
esocom says:
Cindy Mckee pro says:
Tio estas tre bona afero! Mi ĵus eksciis ke oni ne povas disigi Esperanton de la ideo pri amikeco.
Gerardo pro says:
Cindy Mckee pro replies:
Dorina says:
Cezar pro says:
mi trovas viajn ideojn ne konfuzaj, male, ili similas al miaj, mi ŝatas la kulturon de Esperanto, sed ne tre la movadulojn, kiuj preskaŭ ĉiuj volas regi iun kaj ion. Estas tiuj, kiuj kunportas sian fiecon en Esperantion, por tiuj Esperanto estas nur plia ilo por esti potencaj pri iuj kaj io. Tamen iuj movadoj ne tro ĝenas min, mi eĉ certas, ke illi spite al ĉiuj mankoj tre necesas, ili disponigeblas multajn servojn, kiujn mi volonte uzas. Movadoj do estas dutranĉaj glavoj. Krome! La unuopaj esperantistoj ne estas joton pli bonaj ol iuj movaduloj, ofte ili kunkulpas la mizerojn en la movadoj, ĉar ili mem ne aktivas kaj havas la sintenon de homoj, kiuj atendas nur, ke oni priservu aŭ regalu ilin. Jen la bremsuloj de ĉiu movado.
La plej plaĉa organizo por mi estas SAT, ankaŭ certa speco de movado -sed esence movado de progresemuloj. Sen SAT mi estus sen iu hejmo en Esperantio, kvankam ankaŭ mi jam foje forkuris tie, sed intertempe multo ŝanĝiĝis al pli bona etoso, certaj tre energiaj junuloj, precipe la fratoj Markov el Francio ekagis decide ĉe SAT, kaj ili puŝas la SAT- organon Sennaciulo antaŭen, jen mia impreso. Mi laboras en la redaktejo de Sennaciulo, kaj tial mi diru foje, ke ni tiaj kiaj vin bezonus...Traktoristinoj estas tre bonvenigataj en SAT. :))
Nu, certu, ke ni komprenas vin kaj viajn dubojn....pli da ili ol vi eble supozas...
Tre amike, Cez!
Cezar edited this comment 4 months ago.
Cindy Mckee pro replies:
Sed mi! - mi estas unu el la unuopaj Esperantistoj kiuj atendas la servojn de la Esperantaj movadoj. :(
Mi hontas.
Kiu estas la plej bona persono -- la 'paradema' gravulo en movado kiu ebligas tiujn utilajn servojn, aŭ mi kun mia mano etendita?
Mi legis iomete pri SAT. 'Sennacieca' ĉu? Ĉu vi uzas la vorton 'diasporo' aŭ ĉu la sennacieco temas pri la strukturo de la organizaĵo? Mi volas diri ĉu SAT estas sennacieca ĉar ne ekzistas naciaj sub-organizaĵoj aŭ ĉu SAT estas sennacieca pro la malakcepto de naciismo?
Mi amas la fakton ke vi bonvenigas traktoristinojn!! ;)
Cezar pro says:
jes, nobla elekstera observado de E-organizoj fine helpas nek al la organizoj nek al vi mem, ĉar la esperantista vivo sen organizoj eĉ pli tristiĝus. Mi mem travivis tion, mi estas daŭre altirata kaj forpuŝata de organizoj, estas normale, sed fakto estas, ke vi trovas pli da interesaj homoj en organizoj ol ekstere de ili. Vidu en mia blogo, tie vi trovas ligojn al SAT. SAT estas decide malnaciisma,certe. Kaj traktoristinoj estas homoj, kiu eĉ ĉe SAT estas maloftaj:).SAT havas membrojn el tre diversaj popoltavoloj... kelkaj estas kiel mi senlaboruloj :(( Do ne lumanta ekzemplo por tio, ke SAT estas organizo por laboristoj, ĉu? Mi ofte pensas, ke Esperanto estas ankaŭ luksaĵo, ne ĉiu havas tempon por tio.
Tre afable, Cez!
Cezar edited this comment 4 months ago.
Cindy Mckee pro says:
Mi certe intencas legi multe ĉe via blogo; vi verkas multajn interesajn artikolojn lastatempe.
Mi vizitos vin post la ŝtormo; mi nun aŭdas tondron.
Cezar pro says:
nun mi jam denove estas eks-SAT-ano, tiel rapide tio iras. Ja fulmrapide.
Amike, Cez!
PS: Hm, ankaŭ ĉe ni sturmis tiom, ke eĉ homoj mortis. Mi faris aĉeton, kaj fajfis pri la sturmo, sed tiu ne pri mi, sed sur min, mi estis ĝoja veni hejmen sen iu damaĝo de la aŭto. Pro la legado de la tekstoj de aliaj mi devas diri, ke oni tute ne povas legi ĉion... :((( Do ankaŭ ne min, kompreneble, kaj ĉu gravas... certe ne...
Bonŝancon pro la ŝtormo!
Cindy Mckee pro says:
Ĉu homoj mortis? Ĉi tie estis nur ordinara ŝtormo; sed mi devis malŝalti la komputilon pro la fulmo.
Mi scivolas pri via eksiĝo de SAT. Ĉu vi volas paroli pri tio?
Dmitri Breĉalov says:
Sed... Uzante la lingvon, verkante, babilante kun aliaj geesperantistoj, ĉu mi tamen partoprenas la movadon? Kio do estas Esperanta movado?... Kaj ĉu estas diferenco inter la movado kaj Esperant(lingv)a komunumo?
Cindy Mckee pro says:
Ŝajne, ili estas apartaj aferoj.
Mi kredas ke 'movado' temas pri poresperantaj aktivecoj. Klopodoj antaŭenigi Esperanton.
Laŭ mi, komunumo povas signifi la kulturan ĝuon de Esperanta literaturo kaj interparolo, kaj eble ankaŭ peresperantajn kontaktojn kaj interkomunikadon. Kvankam ili miksiĝas; ne estas limo inter la du.
Ĉu vi ankaŭ imagas vin kiel punkton sur Esperanta mapo? Kie mi metu min?
Cindy Mckee edited this comment 4 months ago.
Dmitri Breĉalov replies:
Sed... Kio estas 'poresperanta aktiveco'? Se ni uzas la lingvon, kaj niaj proksimuloj-neesperantistoj aŭdas ĉiam pri Esperanto de ni, se ni babilas ĉe Ipernity kaj aliaj vidas ke estas ja sufiĉe granda kvanto da esperantistoj - ĉu tio ne estas poresperanta aktiveco? Kie estas la limo inter la komunumo kaj movado?
Cindy Mckee pro replies:
Sed, kiam mi vidas la utilan uzon de io, mi ankaŭ volas uzi tion.
He, ĉu vi scias ke pluraj iper-anoj komencas lerni Esperanton ĉar ili vidas ties uzon ĉi tie?
Pruvo.
Cindy Mckee edited this comment 4 months ago.
Dmitri Breĉalov replies:
> Sed, kiam mi vidas la utilan uzon de io, mi ankaŭ volas uzi tion.
+1 :)))
Mi scias ke kelkaj miaj konatuloj interesiĝis pri esperanto ĉar ili vidis ke mi uzas ĝin, ke oni komentas miajn blogerojn en esperanto ktp... Mi preferas ne reklami laŭte sed simple uzi la lingvon ne kaŝe, fakte uzi. La sola reklamo estas malgranda insigno kun verda steleto sur mia jako. ;)
Cindy Mckee pro replies:
Ni uzu!
Dmitri Breĉalov replies:
kiel la frazo sonas angle?
interalie en la rusa ekzistas frazeto "ruliĝu kolbasete" - stranga frazeto kun tute malsama senco. ;)
Cindy Mckee pro replies:
Dmitri Breĉalov replies:
Cezar pro says:
ekzistas inoj, kiuj ekde la unua momento estas simpatiaj al oni, kaj oni malofte eraras pri tio... vi apartenas al ili. Ĝojas min, ke mia traduko de Hemingway plaĉis al vi. Dmitri certe pravas, sed estas tento agi en movado, tamen ne nepre necesas, vere ne...oni povas esti aktiva sen organizo, pri SAT mi ne povas diri ion definitivan momente, sed kiel homo oni ĉiam singardu ne esti dependa de organizo, kelkaj homoj havas talenton por tio agi en kaj ekster organizo, mi ne, mi postulas tro multe de aliaj, kaj poste ekestas la ĉagreno:) Por mi estas plej bone labori sen iu partio aŭ organizo, kiu volas fari el Cez iun Cezĉjon. Kiel kortega hundeto mi ne taŭĝas, tio estas jam klara. Tamen, homoj estas diversaj, kun diversaj talentoj...iu volonte estas pordogardisto kaj alia ŝatas vagi tra la arbaroj, bone tiel, alie la mondo estus terure enuiga...Ĉapek, verkisto, diris, ĉiu membro de la homaro estas malforta, sed la homaro forta. Tiel estas. Ni estas pli ol nur individuoj. Ĉu ni kredas ĉu ne? Imagu, se vi ĉiujn viajn traktorojn devus mem eltrovi, konstrui kaj kunmeti...tio ne eblas, ni estas pli ol nur individuoj...ni estas individuoj sur certa ŝtupo de la evoluo de la socio, tiel kunligitaj kun aliaj, do tiel parto de la homaro...egale kiom ajn krude la vento blovas nin momente en la vizaĝon. Tiu mondo ne estas mia mondo,mi ne estas kunulo de nia tempo, sed mi pensas, ke ni plu progresos kune, Esperanto estas utila pri tio.
Ĝis baldaŭ, kara amikino!
Saluton al Dmitri!
Cindy Mckee pro replies:
Mi revenos kaj aldonos aliajn pensojn al ĉi tiu komento kiam mi povas. (mi alklakos 'modifi')
Onklo says:
Dmitri Breĉalov replies:
La mondo fariĝis vere malgranda. :)
Onklo says:
Dmitri Breĉalov replies:
Tamen, ĉiu mem decidas, ĉiu mem provas kompreni sian lokon en la tero. Kio estas partopreni la movadon? Ĉu viziti lokan e-klubon? Ĉu partopreni aranĝojn? Mi opinias ke mi pli bone kontribuu al Esperanto, al la interna ideo per miaj personaj kontaktoj, per miaj personaj agoj. Do, fakte mi mem provas kompreni mian lokon en Esperantujo. :)
Onklo says:
Amike salutas,Lee(Onklo) el Seulo.
Cindy Mckee pro replies:
Sed certe vi pravas; se mi havas demandojn, mi demandu al la kreinto! Li laboris dum pli ol 20 jaroj pri la lingvo kaj la ideo, ĉu ne? Mi promesas legi liajn verkojn profunde. Mi revenos al vi kaj parolos plu pri ĉi tio. Hodiaŭ mi nur povas skribi iomete. :(
Onklo says:
Cindy Mckee pro replies:
Tio donis ankaŭ al mi grandan feliĉon, kiu ankoraŭ daŭras. :)
Kaj jes, mi sentas la spiriton, kara Onklo.
Onklo says:
Cindy Mckee pro replies:
kaj mi legos la prelegon en la unua UK rapide. Mi havis kapdoloron, do mia legadtempo ne ekzistis lastatempe.
Mi skribos pri miaj pensoj ĝoje! Dankon Kara Lee!
Onklo says: