Mi fiaskis

May 25, 2012 - 13 comments

Gekaraj,

malgraŭ viaj kuraĝigoj - kiujn mi elkore dankas - mi malsukcesis. Post penega tago en kiu mi marŝis de Espalion ĝis Golinhac, mi sukcesis plenumi du pluajn tagojn, ĝis Conques kaj poste ĝis Decazeville. Tie mi devis ripozi unu tagon. Sed eĉ post la ripozo, mi ne plu retrovis la forton, nek la volon, daŭrigi. Do mi revenis hejmen.
Mi dankas ĉiujn kiuj helpis aŭ intencis helpi min dum mia provo: Paul, Thierry, Joseph, Josette, Pierre, Javier, Jean, Paule, Marie kaj humile pardonpetas pro mia malsukceso.

Jozefo

jadranka miric, Leieladonna have particularly liked this article

13 comments - The last ones

Mimi

Vi ne fiaskis....mi legis ie ke eblas marŝadi en pli da jaroj. Ĉu jare vi marŝadis iom...venontjare aŭ iam ajn vi ankaŭ marŝados iom ĝis vi finos kaj atingos Kompostelo-n.
Estus interese legi ĉi tie pri via sperto!

11 months ago.

Jozefo E. Nagy has replied to Mimi

Dankon, Mimi. Jes, la plejmulto tiel faras. Sed mi volis plenumi ĝin seninterrompe, kaj mi kredis ke mi sukcesos plenumi ĝin. Tiusence, jes, mi fiaskis. Jes, estas eble rekomenci la marŝadon de la loko kie mi interrompis ĝin - sed mi ne kredas, ke mi faros tion. Malgraŭ ĉio, tio estis interesa kaj agrabla sperto, kaj mi ĝojas, ke mi provis ĝin, kaj ke mi renkontis survoje tiom da eksterordinaraj homoj.

11 months ago.

Tjeri

Vi ne fiaskis, vi nur saĝe prognozis... ĉar poste okazis pluvega semajno en la tuta sudockidenta Francio... cetere vi jam estis vizitinta Conques-on, kaj tie estis la plej spektinda loko de via vojaĝo, ĉu ne?

11 months ago.

Jozefo E. Nagy has replied to Tjeri

Dankon, Tjeri! Sed viaj afablaj vortoj ne povas ŝanĝi la realon. Kaj tamen mi estas kontenta, ke mi provis plenumi la pilgrimadon, eĉ se, kiel konstatis mia edzino, mi plenumis nur la okonon.

11 months ago.

Bernard Behra

Ne gravas. Vi bone intencis. Vi provis. Vi eĉ faris parton de la vojo. Vi renkontis eksterordinajn homojn. Tio ne estis malsukseco nur ia sperto en via vivo. Vi tute ne bezonas pardonpeti. Eble ni ne sufiĉe spirite helpis ! Vi faris sur tiu vojo valorajn paŝojn. Multe pli ol mi kaj ol multaj aliaj homoj. Dankon al vi.

11 months ago.

Jozefo E. Nagy has replied to Bernard Behra

Dankon, Bernard! Jes, estis por mi eksterordinara sperto, kaj mi ĝojas, ke mi entreprenis ĝin. La vojo konfirmis mian malnovan kredon, ke ekzistas multe pli da bonaj homoj, ol da malbonaj. Mi travivis eksterordinarajn momentojn de solidareco kaj bonvolemo, pro kiuj mi neniam povus sufiĉe danki.

11 months ago.

Mikelo59*

Tute ne gravas kio okazis, kara amiko! Gravas via kuraĝa provo... kaj certe multaj interesaj renkontoj. Gratulon ĉar vi ne nur revis sed faris, kion vi revis!

11 months ago.

Jozefo E. Nagy has replied to Mikelo59*

Dankon, Mikelo, pro viaj afablaj vortoj! Jes, mi provis, kaj almenaŭ mi sukcesis atingi la limojn de miaj kapabloj kaj - eĉ pli grave - rekoni, ke mi atingis la limon.

11 months ago.