Kie estas tiuj Esperanto-parolantoj? (A-G)

1) Uzu la serĉilon supre de iu ajn paĝo, elektu la menueron "serĉi membrojn de ipernity", alklaku la eron "interesiĝoj" kaj tajpu la vorton "esperanto". Ne ĉiu, sed tre multaj, aldonis la vorton "esperanto" en sia profilo. Tiel vi jam trovos viajn unuajn amikojn.

2) Se vi jam estas tie, rigardu kiu el la trovitaj personoj havas multajn kontaktojn. Alklaku la vorteton "kontaktoj". Tre verŝajne pluraj el tiuj kontaktoj siavice estas Esperanto-parolantojn. Rigardu ilian profilon kaj vi verŝajne ekscios.

3) Rigardu la kontaktojn de Flandra Esperanto-Ligo en www.ipernity.com/user/flandra_esperanto-ligo/network . Ĝi estas unu el la plej kompletaj listoj

4) Vizitu grupojn, kiuj estis kreitaj speciale por homoj, kiuj interesiĝas pri Esperanto:

• ipernity, demandoj kaj respondoj
• Komentu en Esperanto
• Esperantujo
• Esperantistoj
• La Gimpo

En tiuj grupoj vi certe retrovos konatojn aŭ konotojn ;-)

5) Tre bona facila maniero estas la jena. Se vi havas retadreson ĉe Gmail, Hotmail aŭ Yahoo, Ipernity povas aŭtomate kontroli, kiuj el la personoj, kiuj troviĝas en via adresaro, estas jam anoj de Ipernity. Mi faris tion hodiaŭ matene, kaj je mia granda miro trovis konatojn, pri kiuj mi ne sciis, ke ili jam anas tie ĉi. Jen kiel fari:

• Alklaku la ligilon "Inviti" sube de iu ajn paĝo.
• Alklaku supre la bluan ligilon "El via adresaro"
• Entajpu vian Gmail, Hotmail aŭ Yahoo-adreson kaj vian tiean pasvorton.

Post iom da tempo vi trovos superrigardon. Se konatoj viaj jam anas en Ipernity, vi povos tuj decidi, ĉu vi volas aligi ilin al via grupo de amikoj, aŭ eventuale al via grupo de familianoj. Personojn el via adresaro, kiuj ankoraŭ ne estas membroj en ipernity, vi povas inviti.

Ĉu iu konas aliajn manierojn? Aldonu ilin ĉi-sube!

Nova: iuj petis min fari liston de la personoj, kiujn mi malkovris. Jen la 150 unuaj. Ĉar en unu blogaĵo ne povas esti pli ol 50 membro-etikedojn, mi aldonis kelkajn nomojn ĉi-dekstre, kaj pliajn en la bloĝajoj "Kie estas tiuj Esperanto-parolantoj? (H-O)" kaj "Kie estas tiuj Esperanto-parolantoj? (P-Z)". Bedaŭrinde ne eblas montri la nomojn en alfabeta sinsekvo. Do vi devos iom fosi ...

Aktualigo: Tiu ĉi listo estas nun tute eksdata. Pli aktualajn ciferojn vi trovas tie:

www.ipernity.com/blog/paul_peeraerts/24925

Se vi ne deziras esti en la listo, bv. averti min, kaj mi tuj forigos vian nomon.