Morna vidvino
—laŭ ĉinesko Busuanzi
1.
en granda domo
ŝi vivas sola
pasigas siajn tagojn
senkonsola

jen ŝi kuŝiĝas
sur sofo mola
jen paŝas tien reen
ja senparola

2.
ĉu pro impulso
ĉu pro aspiro
ŝi eksentas varmegon
de seks-deziro

ŝi ŝiras harojn
per daŭra tiro
turniĝadas sur lito
kun peza spiro

3.
mampintoj duras
malsekiĝas tru’
ŝi palpas, gratas, krias
kun freneza bru’

ŝi anhelante
en fortega sku’
kaptas siajn mampintojn
knedas ilin du

4.
per mano trema
palpas leĝere
ŝi la sukplenan subon
ekscite vere

ŝi ŝovis fingron
senbariere
en la truon kaj kirlas
ĝoje libere

5.
kia ekstazo!
dum memkonsolo
ŝi kolapsas sur lito
kun kora folo

la onanado
ŝajnas frivolo
fakte kontentigas ŝin
ja sen amoro
*Busuanzi (aŭguristo): ĉina fiksforma poemo el du strofoj kun po kvar versoj de 55,75 silaboj kun duona rimo.