This form is secure
Send a message
Search for members
| November 2009 | ||||||||
|---|---|---|---|---|---|---|---|---|
| Sun | Mon | Tue | Wed | Thu | Fri | Sat | ||
| 1 | 2 | 3 | 4 | 5 | 6 | 7 | ||
| 8 | 9 | 10 | 11 | 12 | 13 | 14 | ||
| 15 | 16 | 17 | 18 | 19 | 20 | 21 | ||
| 22 | 23 | 24 | 25 | 26 | 27 | 28 | ||
| 29 | 30 | |||||||
En Francio vivis iu maljunulo, kiu ĉiumatene ellitiĝadis je la kvina horo kaj ĉiumatene urĝe iradis el sia hejmo kaj disŝutadis blankan pulvoron sur la vojon. Iam preterpasanta policano demandis lin, kion li disŝutadas. La maljunulo respondis, ke tio estas kontraŭelefanta pulvoro. La policano miregis:
-Sed ĉiu homo bonege konas, ke en Francio forestas elefantoj!
-Do, vi vidas: ĝi efikas!
-------------------------------------------------------------------------------------------------------------------------------------------
Rano iras al la sorĉistino por ekkoni sian sorton.
- Vi renkontos belulinon, kiu deziros ekkoni ĈION pri vi.
La rano demandas:
- Bonege! Ĉu mi renkontos ŝin dum ia bankedo?
- Ne, - respondas la sorĉistino. - Dum la leciono pri biologio.
--------------------------------------------------------------------------------------------------------------------------------------------
La pastro deziras aĉeti papagon.
- Ĉu vi estas certa, ke ĉi-birdo ne kriegas kaj ne blasfemas?- demandas la pastro.
- Mi estas absolute certa. Ĝi estas tre bonkonduta kaj religiema birdo, - la posedanto de la vendejo garantias. - Ĉu vi vidas du ŝnuretojn sur ĝiaj gamboj? Se vi tiros la dekstran ŝnureton, la birdo deklamos La Preĝon de la Sinjoro, kaj se per alia ŝnureto vi tiros ĝian maldekstran gambon, ĝi deklamos la 23an Psalmon.
- Mirinde! - diras la pastro. - Sed kio okazos, se mi tiros ambaŭ ŝnuretojn?
- Tiam mi falos for de mia sidstangeto, vi stulta, senespera idioto! - kriegas la papago.
Anaso eniras apotekon kaj demandas:
- Cxu cxe vi acxeteblas pano?
La apotekisto klarigas, ke li ne havas panon por vendi, cxar cxi-tie estas apoteko. Li aldonas, ke la anaso devus provi acxeti panon en la najbara komerca centro. Post dekkvin minutoj la anaso revenas kaj diras:
- Cxu cxe vi acxeteblas pano?
La apotekisto reklarigas, ke pano ne estas vendata, do li devus provi bonsxancon acxeti panon en la vendejo malantaux la stratangulo. Post kelkaj minutoj la anaso estas reveninta kaj diras:
- Cxu cxe vi acxeteblas pano?
La apotekisto ekkriegas, ke se la anaso ankorauxfoje demandos pri la ebleco acxeti panon, li alnajligos lian bekon al la planko.
Post dudek minutoj la anaso revenas.
- Cxu cxe vi estas acxeteblaj najloj?
La apotekisto eksplikas, ke NE, cxar li estas APOTEKISTO, kaj li ankaux ne okupas sin pri vendado de NAJLOJ!
- Ahx! - diras la anaso, - tiuokaze... cxu cxe vi acxeteblas pano?
---------------------------------------------------------------------------------------------------------------------------------------------
Kanibalo kaj lia malgranda filo perdis la vojon kaj ili vagadas tra dezerto. Ili ne estas mangxintaj jam kelkajn tagojn. Jen ili trovas oazon kaj decidas kasxi sin en arbedajxo kaj atendi gxis kiam iu ajn aperos tie. Sekvontmatene la kanibalo vekigxas kaj ekvidas belan virinon, banantan sin en lageto. Kasxobservante la belan virinon, li ekvidas sian filon ankaux vekigxintan apud si, ankaux observantan la virinon. La filo diras:
- Mi malsatas, patro. Ni mangxu sxin!
La patro respondas:
- Ni ne povas mangxi sxin. Ja sxi estas belega!
La knabo grumblas, ke ili jam estas ne mangxintaj kelkajn tagojn kaj ke li vere malsategas. La patro diras, ke li pripensis bonan planon. La knabo ekgxojas, pensante, ke li baldaux satigxos kaj demandas, kia estas la plano...
La patro eksplikas:
- Ni kasxe rampos al la rando de la arbedajxo, kaj kiam sxi elakvigxos, ni kaptos sxin, portos sxin al nia hejmo kaj tie ni mangxos... vian patrinon...
---------------------------------------------------------------------------------------------------------------------------------------------
Viro iras preter infana ludplaceto, cxirkauxita per tabula barilo. Li auxdas kiel la infanoj skandas:
- Dektri! Dektri! Dektri!
Li ege ekinteresigxas, kio tie okazadas, do li trovas trueton en la barilo, rigardas tra gxi kaj subite li sentas pikegon en sian okulon. El malantaux la barilo auxdigxas skandado:
- Dekkvar! Dekkvar! Dekkvar!
---------------------------------------------------------------------------------------------------------------------------------------------
Farmanto Brown renkontas sian amikon en la vilagxa bierejo.
- Haroldo, kion vi donis al via bovo, kiam gxi ekmalsanis?
- Vinagron kaj telerlavilon "Fairy".
Post unu semajno ili rerenkontigxas. Farmanto Brown diras:
- Ho ve, Haroldo! Mi donis al mia bovo vinagron kaj lavilon "Fairy" kaj gxi mortis!"
- Ankaux la mia! - respondis Haroldo.
---------------------------------------------------------------------------------------------------------------------------------------------
En la lernejo estas esplorataj okuloj de infanoj.
- Cxu vi povas legi la plej supran linion de la leteroj sur la la tabulo, Tony?- demandas la doktorino
- Ne, - diras Tony.
- Kaj kiel pri la dua linio? Cxu vi povas legi tie?- demandas la doktorino.
- Ne, - diras Tony.
- Tiuokaze cxu vi povas legi la malsupran linion?
- Ne, - respondas Tony. - Mi ankoraux ne scipovas legi entute.
Estis fino de lernojaro kaj la lernantoj portis donacojn al siaj geinstruistoj. La filo de la posedanto de florvendejo alportis grandan bukedon da floroj al sinjorino Jones. La filino de la bombonvedisto alportis grandan keston da cxokolado. La filo de la posedanto de drinkajxvendejo ankaux alportis egan pezan keston. La instruistino prenis la keston kaj ekvidis el gxi gutantan fluidajxon. Sxi gustumis unu guteton.
- Ahx, cxu tio estas vino?- sxi provis diveni.
- Neee...,- respondis la malgranda knabo.
Sxi gustumis ankoraux unu guton.
- Cxampano?- sxi reprovis.
- Neee..., - diris la malgranda knabo.
- Mi kapitulacias, - diris la instruistino.
- Tio estas hundido, sinjorino.
----------------------------------------------------------------------------------------------------------------------------------------------
- Hej, sinjoro Watson. Vi ankoraux estas vestita per la vintra kalsono!
- Dio bona, Holmes! Kiel vi sukcesis tion diveni?
-Vi ree forgesis surmeti vian pantalonon!
----------------------------------------------------------------------------------------------------------------------------------------------
Kiel la monstro nombras gxis dektri?
Per siaj fingroj!
----------------------------------------------------------------------------------------------------------------------------------------------
Turisto venas en Afrikon kaj kiam li estas ekskursanta tra la gxangalo, li demandas sian cxicxeronon:
- Cxu ni estas sekuraj cxi-tie? Cxu cxi-tie ne estas kanibaloj?
La cxicxerono respondas:
- Vi estas absolute sekura. En Afriko ne ekzistas kanibaloj.
La turisto diras:
- Kial vi estas tiel konvinkigxinta pri tio?
La cxicxerono respondas:
- Ni mangxis la lastan kanibalon pasintlunde.
----------------------------------------------------------------------------------------------------------------------------------------------
Kanguruo eskapis el sia cxirkauxbarejo en la Londona zoologia gxardeno. Post la kanguruo estis kaptita, la gxardenestro konstruis dekfutaltan barilon. Sekvontmatene la kanguruo ree gxuis liberon, vagante tra la gxardeno. La barilo estis plialtigita kaj nun estis jam dudekfuta. Kompreneble, sekvontmatene la kanguruo ree estis for de la barejo. Malesperigxintaj prizorgantoj de la gxardeno konstruis 40-futan barilon. Kamelo en la najbara barejo demandis la kanguruon:
- Hej, kiom alte ili plukonstruos la barilon viaopinie?
- Mi opinias, ke ili konstruos ecx 1000-futan barilon gxis kiam iu ajn memoros sxlosi la pordegon...
--------------------------------------------------------------------------------------------------------------------------------------------
Tio okazis en pasagxera trajno. Patrino kaj sxia kvinjara fileto sidis cxe kupefenestro. Antaux ili maljuna sinjoro legis "Times".
Sxajnis, ke la knabo estis ekstreme enuigxinta, do li turmentis sian patrinon per granda amaso da demandoj. La sinjorino respondadis cxiujn demandojn tenere rigardante al la knabo kaj sxajnis, ke sxi gxuas cxiun minuton de ilia babilado. Kia fiera sxi estis pri sia etulo! Post cxiu demando sxi kisadis la infanon kaj tenere karesadis lian kapon.
- Panjo, - dauxrigis la knabo - vi diris, ke vi estus felicxa havante dektri knabojn similajn al mi.
- Certe,- respondis la sinjorino kun rideto survizagxe.
- Kaj cxu estas malfacile akiri bubon?
- Tute ne, - respondis la patrino. - Vi nur devas iri en apotekon kaj acxeti kelkajn bubopilolojn kaj du provtubojn.
- Cxu estas bezonata doktora recepto por tio?
- Absolute ne, - dauxrigis la sinjorino. - Vi nur devas montri al la apotekisto vian edzigxringon.
- Ho, mi komprenas,- respondis la etulo kun evidente plialtigxanta interesigxo. - Kaj kio sekvas post tio?
- Vi devas meti la pilolojn kun kelkaj gutoj da akvo en la provtubojn kaj varmigi ilin sur gasfornelo...
La maljuna sinjoro, atente auxskultinta la interparolon, mallevigis la gazeton, forprenis la okulvitrojn, embarase rigardis al la sinjorino kaj ekparolis tremvocxe:
- Bonvolu pardoni pro mia ensxovigxo, sinjorino, tamen dum mia junagxo ekzistis alia metodo, kiu sendube donis la samajn rezultojn! Cxu oni jam tute rifuzis uzi gxin? Mi nek estas konservativulo, nek mi emas proklami la avantagxojn de malnovajxoj, tamen mi opinias, ke la metodo de mia generacio estis multe pli bona. Gxi estis la plej perfekta metodo. Mia opinio pri tio estas firmega!
Elangligis Alno
This post is public
